ඔස්ට්රේලියානු ක්රිකට් ක්රීඩක, මෙල්බර්න් ස්ටාර්ස් කණ්ඩායමේ නායක ග්ලේන් මැක්ස්වෙල්ට කොවිඩ් 19 ආසාදනය වී තිබෙනවා.
මෙවර බිග් බෑෂ් ලීග් තරගාවලිය අතරතුර දී ඔහුට මෙලෙස කොවිඩ් 19 ආසාදනය වී ඇති බව හදුනා ගෙන ඇති අතර, ඒ අනුව ඔහු මේ වන විට හුදකලා කිරීමකට ලක් කර ඇති බවයි විදෙස් ක්රීඩා මාධ්ය වාර්තා කළේ.
කොවිඩ් 19 ආසාදනය වූ බවට හදුනා ගත් මෙල්බර්න් ස්ටාර්ස් කණ්ඩායමේ 13 වැනි ක්රීඩකයා වන්නේ ඔහුයි.
මේ අතර, බ්රිස්බේන් හීට් කණ්ඩායමේ ද ක්රීඩකයින් 12 දෙනෙකුට වෛරසය ආසාදනය වී තිබෙනවා.
ඒ හේතුවෙන් බිග් බෑෂ් ලීග් තරගාවලිය යටතේ බ්රිස්බේන් හීට් හා සිඩ්නි සික්සර්ස් කණ්ඩායම් අතර අද(5) පැවැත්වීමට නියමිතව තිබූ තරගය අවලංගු කිරීමට ද සංවිධායකයින් පියවර ගත්තා.
මේ වන විට බිග් බෑෂ් ලීග් තරගාවලියට ක්රීඩා කරන කණ්ඩායම් 5කින් කොවිඩ් 19 ආසාදිතයින් වාර්තා වී තිබීම විශේෂත්වයක්.
