ක්රිකට් ක්රීඩකයින්ගෙන් 76% දෙනෙකු සිව්දින ටෙස්ට් ක්රිකට් තරග සදහා අකමැත්ත පල කර ඇති බව ජාත්යන්තර ක්රිකට් ක්රීඩකයින්ගේ සංගමය (Federation of International Cricketers’ Associations) (FICA) පවසනවා.
ඒ්, වෘත්තීය ක්රිකට් ක්රීඩකයින් 277 දෙනෙකු යොදා ගනිමින් සිදු කළ සමීක්ෂණයක් ඔස්සේ නිකුත් කළ වාර්ෂික ක්රීඩක වාර්තාව තුළින්.
ක්රීඩකයින් 82%ක් ටෙස්ට් ක්රීඩාව ක්රිකට් ක්රීඩාවේ වඩාත් වැදගත්ම තරග රටාව ලෙස පිළිගන්නා බව ද එම වාර්තාව පෙන්වා දෙනවා.
එමෙන්ම ප්රමාණවත් ටෙස්ට් තරග ප්රමාණයක් ක්රීඩා නොකරන බවට ක්රීඩකයින්ගෙන් 58%ක් විශ්වාස කරන බව ද සදහන්.
තරග සංචාරයකදී අනිවාර්යයෙන්ම දිවා රාත්රී ටෙස්ට් තරග පැවැතිය යුතු බවට ක්රීඩකයින්ගෙන් 55%ක් එකග නොවන බවයි මෙම වාර්තාවෙන් අණාවරණය කර ඇත්තේ.
ක්රීඩකයින්ගෙන් 55% කගේ මතය වී ඇත්තේ ලෝක කුසලානයක් සදහා කණ්ඩායම් 10කට වඩා ක්රීඩා කළ යුතු බවයි.
මේ අතර, ඉන්දීය ක්රීඩකයින් අනෙකුත් 20යි 20 ලීග් තරගාවලි ක්රීඩා කරනු දැකීමට 81%ක ක්රීඩක පිරිසක් කැමැත්තෙන් පසුවන බව ද ජාත්යන්තර ක්රිකට් ක්රීඩකයින්ගේ සංගමය නිකුත් කළ වාර්තාවේ සදහන්.
