ශ්රී ලංකා ජාතික ක්රිකට් කණ්ඩායම්වල පුහුණු උපදේශක ලෙස හිටපු නායක මහේල ජයවර්ධන පත් කර තිබෙනවා.
ලබන ජනවාරි පළමු වැනිදා සිට ඔහු එම ධූරයේ කටයුතු ආරම්භ කරන බවයි ශ්රී ලංකා ක්රිකට් ආයතනය නිවේදනය කළේ.
වසරක කාලයක් ඔහු පුහුණු උපදේශක ලෙස කටයුතු කිරීමට නියමිතයි.
ක්රිකට් තාක්ෂණික උපදේශක කමිටුවේ උපදෙස් අනුව ශ්රී ලංකා ක්රිකට් විධායක කමිටුව විසින් මෙම පත් කිරීම සිදු කර තිබෙනවා.
නිමා වූ පන්දුවාර 20යි 20 ලෝක කුසලාන ක්රිකට් තරගාවලියේ දී ද ශ්රී ලංකා කණ්ඩායමේ උපදේශක ලෙස මහේල ජයවර්ධන කටයුතු කළා.
මහේලට නව ධූරයක් ලබා දී ඇතත්, ශ්රී ලංකා වයස අවුරුදු 19න් පහළ කණ්ඩායමේ උපදේශක ලෙස ඔහු ඉදිරියටත් කටයුතු කරනු ඇති.
බටහිර ඉන්දීය කොදෙව් දූපත්හී දී ලබන වසරේ පැවැත්වීමට නියමිත යොවුන් ලෝක කුසලානය අරමුණු කර ගනිමින් මාස පහක කාලයක් සදහායි මහේල ජයවර්ධනට එම වගකීම මීට පෙර ලබා දුන්නේ.
