ශ්රී ලංකා යොවුන් (අවුරු 19න් පහළ) කණ්ඩායම සමග පැවැත්වෙන තරග 5කින් යුත් එක්දින ක්රිකට් තරගාවලියේ පළමු තරගයෙන් ලකුණු 25ක ජයක් වාර්තා කිරීමට සංචාරක එංගලන්ත යොවුන් කණ්ඩායම අද(30) සමත් වුණා.
කොළඹ එස්.එස්.සී ක්රීඩාංගනයේ පැවැති තරගයේ කාසියේ වාසිය දිනූ ශ්රී ලංකාවේ ආරාධනයෙන් පළමුව පන්දුවට පහරදුන් එංගලන්තය පන්දුවාර 49.3කදී සියලු දෙනා දැවී ලකුණු 242ක් රැස් කළා.
William Luxton ලකුණු 44ක්, James Rew ලකුණු 40ක් හා James Sales නොදැවී ලකුණු 28ක් ලබා ගනිමින් ඉනිම ශක්තිමත් කළා.
පන්දු යැවීමේ දී ශ්රී ලංකාව වෙනුවෙන් දුනිත් වෙල්ලාලගේ ලකුණු 30කට කඩුලු 5ක් දවා ගැනීම කැපී පෙනුණා.
පිළිතුරු ඉනිම ක්රීඩා කළ ශ්රී ලංකා යොවුන් කණ්ඩායමට පන්දුවාර 47.3කදී සියලු දෙනා දැවී ලබා ගත හැකි වූයේ ලකුණු 217ක් පමණයි.
ඉනිමේ වැඩිම ලකුණු ලාභියා වූ වෙල්ලාලගේ පන්දු 68කින් ලකුණු 68ක් වාර්තා කළා.
රනුද සෝමරත්න ලකුණු 57යි.
පන්දු යැවීමේ දී Joshua Boyden ලකුණු 27කට කඩුලු 3ක් බිද හෙලූ අතර, Josh Baker, Tom Prest හා Rehan Ahmed අතරේ කඩුලු 2 බැගින් බෙදී ගියා.
