2022 අයි.සී.සී කාන්තා එක්දින ලෝක කුසලාන ක්රිකට් තරගාවලියේ සුදුසුකම් ලබා ගැනීමේ තරගාවලිය යටතේ ශ්රී ලංකා කාන්තා කණ්ඩායම ක්රීඩා කරන පළමු තරගය අගහරුවාදා(23) පැවැත්වීමට නියමිතව තිබෙනවා.
නෙදර්ලන්තයට එරෙහිව මෙම තරගය පැවැත්වෙන අතර, එය මෙරට වේලාවෙන් පස්වරු 1ට ආරම්භ වීමට නියමිතයි.
තරගය පැවැත්වෙන්නේ සිම්බාබ්වේ හි හරාරේ ක්රීඩා සමාජ ක්රීඩාංගනයේ දී යි.
සුදුසුකම් ලබා ගැනීමේ තරගාවලියට ක්රීඩා කිරීම සදහා සිම්බාබ්වේ දේශය වෙත ගොස් සිටින ශ්රී ලංකා කාන්තා කණ්ඩායමේ ක්රීඩිකාවන් තිදෙනෙකුට කොවිඩ් 19 ආසාදනය වී ඇති බව ජගත් ක්රිකට් කවුන්සලය ඊයේ(21) නිවේදනය කළා.
ඒ අනුව එම ක්රීඩිකාවන් හුදෙකලා කිරීමට පියවර ගෙන තිබූ අතර, සෙසු ක්රීඩිකාවන් සියලු දෙනාද නිරෝධායනයට ලක් කිරීමට පියවර ගත්තේ පූර්වාරක්ෂක ක්රියාමාර්ගයක් ලෙසයි.
ශ්රී ලංකා කණ්ඩායම ක්රීඩා කරන පළමු තරගයට පෙර සියලු ක්රීඩිකාවන් යළි වෛද්ය පරීක්ෂණයකට ලක් කිරීමට නියමිතව ඇති බව ද අයි.සී.සීය සදහන් කළා.
