පසුගිය වසර දෙකක කාලය තුළ දී තමා PCR පරීක්ෂණ 250කට 300කට පමණ මුහුණ දී ඇති බව ශ්රී ලංකා ක්රිකට් කණ්ඩායමේ උපදේශක මහේල ජයවර්ධන මහතා පවසනවා.
cricwire වෙබ් අඩවිය සමග සම්මුඛ සාකච්ඡාවකට එක්වෙමින් ඔහු ඒ බව සදහන් කළා.
මෙවර තරගාවලියේ පළමු වටයේ තරග සදහා පමණක් මහේල ජයවර්ධන කණ්ඩායම සමග උපදේශක ලෙස රැදී සිටි අතර, ඉදිරි තරග සදහා ඔහු කණ්ඩායම සමග එක්සත් අරාබි එමීර් රාජ්යයේ රැදී සිටින්නේ නැහැ.
කෙසේ වෙතත්, තාක්ෂණික ක්රමවේදයන් ඔස්සේ තමා ඉදිරියටත් කණ්ඩායම සමග සම්බන්ධ වන බවයි ඔහු කියා සිටියේ.
තමා කණ්ඩායම රැදී සිටි ජෛව ආරක්ෂිත බුබුලෙන් ඉවත්වුණේ සුපිරි 12 වටයේ දී ශ්රී ලංකා කණ්ඩායම තරග වදින සියලු කණ්ඩායම්වලට එරෙහි සැලසුම් සකස් කිරීමෙන් අනතුරුව බව ද මහේල සදහන් කළා.
