ඉන්දීය ප්රිමියර් ලීග් ක්රිකට් පිටියේ සිය මංගල ශතකය වාර්තා කිරීමට චෙන්නායි සුපර් කිංග්ස් කණ්ඩායමේ ආරම්භක පිතිකරු රුටුරාජ් ගයික්වඩ් සමත් වුණා.
ඒ, අබුඩාබි හී දී මෙරට වේලාවෙන් අද(2) රාත්රී 7.30 ආරම්භ වූ මෙවර තරගාවලියේ 47 වන තරගයේ දී යි.
රාජස්ථාන් රෝයල්ස් කණ්ඩායමට එරෙහි මෙම තරගයේ දී රුටුරාජ් සිය ශතකය වාර්තා කළේ චෙන්නායි ඉනිමේ අවසන් පන්දුවේ දී වීම විශේෂත්වයක්.
මෙම තරගයේ කාසියේ වාසිය දිනූ රාජස්ථාන් පිල පළමුවෙන් පන්දු රැකීමටයි තීරණය කළේ.
ඒ අනුව පළමුව පන්දුවට පහරදුන් චෙන්නායි කණ්ඩායම නියමිත පන්දුවාර 20 තුළ දී කඩුලු 4ක් දැවී ලකුණු 189ක් රැස් කළා.
ආරම්භක පිතිකරු රුටුරාජ් ගයික්වඩ් සිය ශතකය (101) වාර්තා කළේ පන්දු 60කින්. ඊට හයේ පහර 5ක් හා හතරේ පහර 9ක් ඇතුළත්.
ඔහුට සිය ශතකය වාර්තා කිරීමටනම් චෙන්නායි ඉනිමේ අවසන් පන්දුවට ලකුණු 5ක් ලබා ගත යුතුව තිබුණා.
- අවසන් පන්දුවට හයේ පහරක් සමගින් ශතකය වාර්තා කළ අයුරු නැරඹීමට මෙතන ක්ලික් කරන්න(පහතින්ද නැරඹිය හැක)
මුස්ටර්ෆිසුර් රෙහ්මාන් යොමු කළ එම පන්දුවේ දී රුටුරාජ් ගයික්වඩ් සිය මංගල අයි.පී.එල් ශතකය වාර්තා කළේ දැවැන්ත හයේ පහරක් එල්ල කරමින්.
#RuturajGaikwad 108 m six it’s huge🤯🤯🤯 pic.twitter.com/sqvcbT37f2
— MR.WOAH (@MR_WOAH_69) October 2, 2021
