ශ්රී ලාංකික ක්රීඩිකාවන් වැඩි පිරිසක් ක්රීඩා කරන කුමුදු පෙඩ්රික්ගේ නායකත්වයෙන් යුත් ඉතාලි කාන්තා කණ්ඩායම සිය මංගල ජාත්යන්තර 20යි 20 තරගයට ඊයේ(9) ක්රීඩා කරමින් එම තරගය ජය ගැනීමට සමත් වුණා.
ඒ, ඕස්ට්රියා කාන්තා කණ්ඩායමේ ඉතාලි තරග සංචාරයේ පළමු 20යි 20 තරගයෙන් කඩුලු 8ක ජයක් වාර්තා කිරීමත් සමගයි.
රෝමයේ පැවැති තරගයේ පළමුවෙන් පන්දුවට පහරදුන් ඔස්ට්රියාව කඩුලු 3ක් දැවී ලකුණු 107ක් රැස් කළා.
පිළිතුරු ඉනිම ක්රීඩා කළ ඉතාලිය පන්දුවාර 16.1ක් අවසානයේ ජයග්රාහී ඉලක්කය පසු කළේ කඩුලු 2ක් දැවී සිටියදීයි.
කුමුදු පෙඩ්රික් නොදැවී ලකුණු 47ක් ලබා ගත් අතර, ටෙෂානි අරලියා නොදැවී ලකුණු 20යි.
ඒ අනුව දෙරට අතර පැවැත්වෙන තරග 5කින් යුත් 20යි 20 තරගාවලිය මේ වන විට තරග 1-0ක් ලෙස පෙරමුණ ගෙන සිටින්නේ ඉතාලියයි.
