ශ්රී ලංකා පිතිකරණ පුහුණුකරු ග්රාන්ට් ෆ්ලවර්ට කොවිඩ් 19 ආසාදනය වී තිබෙනවා.
එංගලන්ත තරග සංචාරය නිමා කර දිවයිනට පැමිණීමෙන් පසුව සිදු කෙරුණු PCR පරීක්ෂණවලදීයි ඒ බව අනාවරණය වී ඇත්තේ.
ශ්රී ලංකා – එංගලන්ත එක්දින තරගාවලිය අවසන් වීමෙන් පසුව එංගලන්ත එක්දින කණ්ඩායමට සම්බන්ධ ක්රීඩකයින් තිදෙනෙකු ඇතුළු සාමාජිකයින් 7 දෙනෙකුට ද කොවිඩ් 19 ආසාදනය වී තිබූ අතර, ඒ හේතුවෙන් එංගලන්ත එක්දින සංචිතයේ සියලු දෙනා නිරෝධායනයට ලක් කිරීමට පියවර ගැනුණා.
එම නිසා පාකිස්තානය සමග අද(8) ආරම්භ වූ එක්දින තරගාවලිය වෙනුවෙන් නව සංචිතයක් නම් කිරීමට ද එරට ක්රිකට් බළධාරීන්ට සිදු වුණා.
ඉන්දු – ශ්රී ලංකා එක්දින තරගාවලිය ආරම්භ වීමට දින කිහිපයක් පමණක් ඉතිරිව ඇති පසුබිමකයි ශ්රී ලංකා පිතිකරණ පුහුණුකරු ග්රාන්ට් ෆ්ලවර්ට ද මේ වන විට කොරෝනා වෛරසය ආසාදනය වී ඇත්තේ.
