එංගලන්තයේ දී පැවැත්වීමට නියමිත ‘ද හන්ඩ්රඩ්’ හෙවත් පන්දු සියයේ ක්රිකට් තරගාවලියේ මෙවර අදියරෙන් බර්මිංහැම් ෆීනික්ස් (Birmingham Phoenix) කණ්ඩායමේ ප්රධාන පුහුණුකරු ඔස්ට්රේලියාවේ ඇන්ඩෘ මැක්ඩොනල්ඩ් ද ඉවත් වීමට තීරණය කර තිබෙනවා.
ඒ, ඔස්ට්රේලියානු කණ්ඩායමේ සහාය පුහුණුකරු වශයෙන් ඔහුට අදාළ කාලයේ දී ජාත්යන්තර තරගාවලි සදහා එක්වීමට සිදුවීම හේතුවෙන්.
ඔස්ට්රේලියානු ක්රීඩකයින් මෙම මස අවසානයේ දී බටහිර ඉන්දීය කොදෙව් තරග සංචාරයක් ආරම්භ කිරීමට නියමිතව ඇති අතර, අනතුරුව බංග්ලාදේශ සංචාරයක ද නිරත වීමට නියමිතයි.
ඇන්ඩෘ මැක්ඩොනල්ඩ් වෙනුවට නවසීලන්තයේ ඩැනියල් විටෝරි බර්මිංහැම් කණ්ඩායමේ වැඩබලන පුහුණුකරු ලෙස පත් වීමට ඉඩ ඇති බවයි ක්රික්ඉන්ෆෝ වෙබ් අඩවිය වාර්තා කළේ.
කෙසේ වෙතත්, මැක්ඩොනල්ඩ් 2022 තරග වාරය සදහා එක්වීමට නියමිතව සිටිනවා.
මීට පෙර ජාත්යන්තර තරගාවලි සහ ජෛව ආරක්ෂිත බුබුලු තුළ රැදී සිටීමේ දුෂ්කරතා පදනම් කර ගනිමින් ක්රීඩකයින් කිහිප දෙනෙකුම ‘ද හන්ඩ්රඩ්’ තරගාවලියෙන් ඉවත් වුණා.
ඒ අතරට කාගිසෝ රබාඩා, ඩේවිඩ් වෝනර් සහ මර්කස් ස්ටොයිනිස් ද ඇතුළත්.
