අයි.සී.සී ලෝක ටෙස්ට් ශූරතාවලියේ ජයග්රාහකයා තෝරා ගැනීම සදහා අවසන් තරග 3කින් යුත් ටෙස්ට් තරගාවලියක් පැවැත්වීම සුදුසු බව ඉන්දීය ක්රිකට් කණ්ඩායමේ පුහුණුකරු රවී ශාස්ට්රී පවසනවා.
ලෝක ටෙස්ට් ශූරතාවලියේ අවසන් තරගයට සහ එංගලන්තයට එරෙහිව තරග 5කින් යුත් ටෙස්ට් තරගාවලියකට ක්රීඩා කිරීමේ අරමුණින් එංගලන්තය බලා පිටත්ව යාමට පෙර මාධ්ය වෙත අදහස් දක්වමින් ඔහු ඒ බව සදහන් කළා.
ලෝක ටෙස්ට් ශූරතාවලියේ අවසන් තරගයට සුදුසුකම් ලබන කණ්ඩායම් දෙක අතර එක් අවසන් තරගයක් නොපවත්වා තරග 3කින් යුත් තරගාවලියක් පවත්වා ජයග්රාහකයා තෝරා ගැනීම සුදුසු බව ඉන්දීය පුහුණුකරුගේ අදහසයි.
ඊයේ දිනයේ ඉන්දියාවෙන් පිටව ගිය ඉන්දීය කණ්ඩායම මේ වන විට එංගලන්තය වෙත ළගා වී තිබෙනවා.
ලෝක ටෙස්ට් ශූරතාවලියේ අවසන් තරගය ලබන 18 වනදා ඉන්දියාව සහ නවසීලන්තය අතර සවුත්හැම්ටන්හී දී ආරම්භ වීමට නියමිතයි.
