ශ්රී ලංකා ජාතික ක්රිකට් කණ්ඩායමේ හිටපු ක්රීඩකයින්ගෙන් සමන්විත ‘ශ්රී ලංකා ග්රේට්ස් XI’ කණ්ඩායම සහ ශ්රී ලංකා ක්රිකට් ආයතනය යටතේ වන පුහුණු සංචිතවල ක්රීඩකයින්ගෙන් සැදුම් ලත් ‘ටීම් ශ්රී ලංකා’ කණ්ඩායම අතර පැවැත්වෙන තරගය සඳහා වන සංචිත දෙක අද පස්වරුවේ නිවේදනය කෙරුණා.
මැයි මස 04 වැනිදා මහනුවර පල්ලකැලේ ජාත්යන්තර ක්රීඩාංගණයේදී පැවැත්වීමට නියමිත මෙම තරගයෙන් උපයා ගනු ලබන සියළු මුදල් කොවිඩ් 19 වසංගතයට එරෙහි සටන වෙනුවෙන් බැර කෙරෙන බවයි ශ්රී ලංකා ක්රිකට් ආයතනය සදහන් කළේ.
20යි 20 තරගයක් ලෙස මෙම තරගය මැයි 04 වැනිදා රාත්රී 7.00 ට ආරම්භ වන අතර, එය ලොව පුරා සජීවීව විකාශය කිරීමට ශ්රී ලංකා ක්රිකට් ආයතනය විධිවිධාන යොදා තිබෙනවා.
මෙම තරගයේදී ශ්රී ලංකා ග්රේට්ස් XI පිල හිටපු ටෙස්ට් නායක සනත් ජයසූරිය විසින්ද ටීම් ශ්රී ලංකා කණ්ඩායම වර්තමාන 20යි 20 නායක දසුන් ශානක විසින්ද මෙහෙය වන බව ක්රිකට් ආයතනය අද නිල වශයෙන් තහවුරු කළා.
ශ්රී ලංකා ග්රේට්ස් XI සංචිතය –
සනත් ජයසූරිය (නායක), අරවින්ද ද සිල්වා, හෂාන් තිලකරත්න (පුහුණුකරු සහ ක්රීඩක), ෆර්වීස් මහරූෆ්, උපුල් චන්දන, උපුල් තරංග, නුවන් කුලසේකර, තිළිණ තුෂාර, ධම්මික ප්රසාද්, චාමර සිල්වා, මලින්ද වර්ණපුර, ඉන්දික ද සේරම්, ජෙහාන් මුබාරක්, සමන් ජයන්ත
ටීම් ශ්රී ලංකා සංචිතය –
දසුන් ශානක (නායක), කුසල් පෙරේරා, අවිෂ්ක ප්රනාන්දු, භානුක රාජපක්ෂ, ඉසුරු උදාන, රමේෂ් මෙන්ඩිස්, සධීර සමරවික්රම, තිසර පෙරේරා, පැතුම් නිස්සංක, චාමික කරුණාරත්න, ලක්ෂාන් සඳකැන්, රොෂේන් සිල්වා, අසිත ප්රනාන්දු, විජයකාන්ත් වියස්කාන්ත්
