බංග්ලාදේශ ක්රිකට් කණ්ඩායම ශ්රී ලංකා ටෙස්ට් තරග සංචාරය ආරම්භ කරමින් අද(12) මෙරටට පැමිණීමට නියමිතව තිබෙනවා.
මෙම තරග සංචාරයේ දී දෙරට අතර ටෙස්ට් තරග දෙකක් පැවැත්වීමට නියමිත අතර, පළමු තරගය ලබන 21 වනදා පල්ලේකැලේ ක්රීඩාංගනයේ දී ආරම්භ වීමට නියමිතයි.
තරගාවලිය සදහා වන ශ්රී ලංකා සංචිතය නම් කිරීම සදහා නව ශ්රී ලංකා ක්රිකට් තේරීම් කමිටුව අද දිනයේ දී රැස්වීමට නියමිතව ඇති බවයි වාර්තා වන්නේ.
මේ වන විට පැතුම් නිස්සංක සහ ලසිත් ඇඹුල්දෙණිය ආබාධයන්ට ලක්ව සිටින බැවින් ඔවුන්ගේ සහභාගීත්වය මෙම තරගාවලිය සදහා පවතින්නේ අවිනිශ්චිත තත්ත්වයක බව සදහන්.
කෙසේ වෙතත්, පෞද්ගලික හේතුවක් මත කොදෙව් තරග සංචාරය අතරමගදී යළි දිවයිනට පැමිණි ඇන්ජෙලෝ මැතිව්ස් මෙම තරගාවලිය සදහා ක්රීඩා කිරීමට නියමිතයි.
බංග්ලාදේශය තුළ කොරෝනා වංසගතයේ ව්යාප්තිය ඉහළ මට්ටමක පවතින තත්ත්වයක් මතයි මෙම තරගාවලිය සංවිධාන කර ඇත්තේ.
එරට තුළ පවතින කොරෝනා වසංගතය හේතුවෙන් පාකිස්තාන වයස අවුරුදු 19න් පහළ කණ්ඩායමේ බංග්ලාදේශ තරග සංචාරය ද පසුගියදා අත්හිටුවීමට පියවර ගැණුනා.
කෙසේ වෙතත්, බංග්ලාදේශ ක්රිකට් කණ්ඩායම එරටට වඩා ශ්රී ලංකාවේ දී ආරක්ෂා සහිත බවයි ශ්රී ලංකා ක්රිකට් කළමණාකරන කමිටුවේ සභාපති මහාචාර්ය අර්ජුන ද සිල්වා මහතා මාධ්ය වෙත සදහන් කර ඇත්තේ.
