ඇෆ්ඝනිස්තාන ක්රිකට් ක්රීඩක නවීන් උල් හක් ජාත්යන්තර එක්දින ක්රිකට් පිටියට සමු දීමට තීරණය කර තිබෙනවා.
සිය සමාජ මාධ්ය ගිණුම් ඔස්සේ ඔහු නිවේදනය කර සිටියේ මෙවර ඉන්දියාවේ දී පැවැත්වීමට නියමිත එක්දින ලෝක කුසලාන ක්රිකට් තරගාවලියෙන් පසුව තමා එක්දින පිටියෙන් විශ්රාම ගැනීමට තීරණය කර ඇති බවයි.
24 හැවිරිදි නවීන් උල් හක් ලෝක කුසලාන තරගාවලිය වෙනුවෙන් එරට එක්දින සංචිතයට කැදවනු ලැබුවේ වසර දෙකකට පමණ පසුවයි.
වේග පන්දු යවන ක්රීඩකයෙකු වන ඔහු මෙතෙක් ක්රීඩා කර ඇත්තේ එක්දින තරග 7ක් පමණයි.
කෙසේ වෙතත්, 2016 වසරේ දී ජාත්යන්තර වරම් දිනා ගැනීමෙන් පසුව ඔහු 20යි 20 කණ්ඩායමේ ප්රධාන සාමාජිකයෙකු ලෙස බොහෝ විට ක්රීඩා කළා.
එක්දින පිටියෙන් සමු ගත්තද තමා තවදුරටත් 20යි 20 තරග ක්රීඩා කරන බවයි නවීන් උල් හක් කියා සිටියේ.
