2028 ලොස් ඇන්ජලීස් ඔලිම්පික් ක්රීඩා උළෙල සදහා බ්රිතාන්ය නියෝජනය කරමින් ක්රීඩා කරන පිරිමි හා කාන්තා ක්රිකට් කණ්ඩායම් සකස් කර ගැනීමේ සැලසුම් සම්බන්ධයෙන් එංගලන්ත ක්රිකට් ආයතනය හා ස්කොට්ලන්ත ක්රිකට් ආයතනය අතර සාකච්ඡා ආරම්භ කර තිබෙනවා.
ඔලිම්පික් ක්රීඩා උළෙලක් සදහා මෙලෙස ක්රිකට් ක්රීඩාව ඇතුළත් වන්නේ 1900 වසරෙන් පසුව පළමු වරටයි.
ඔලිම්පික් ක්රීඩා උළෙලේ කාන්තා හා පිරිමි ක්රිකට් තරගාවලි සදහා රටවල් 6 බැගින් ඇතුළත් කිරීමට ජාත්යන්තර ක්රිකට් කවුන්සලය යෝජනා කර තිබෙනවා.
එම කණ්ඩායම් ඔලිම්පික් උළෙලට සුදුසුකම් ලබා ගන්නා ආකාරය සම්බන්ධයෙන් ද මෙතෙක් නිල ප්රකාශයක් සිදු කර නොමැති අතර, අයි.සී.සී ශ්රේණිගත කිරීම් මත බොහෝ කණ්ඩායම් ඔලිම්පික් උළෙලට සුදුසුකම් ලබා ගැනීමට ඉඩ තිබෙනවා.
එංගලන්තය ඔලිම්පික් උළෙලට සුදුසුකම් ලබා ගතහොත් ඔවුන්ට මහා බ්රිතාන්ය ලෙසයි ක්රීඩා උළෙලට සහභාගී වීමට සිදුවන්නේ.
ඒ අනුව එංගලන්තයෙන් හා ස්කොට්ලන්තයෙන් ඒකාබද්ධ කණ්ඩායමක් ඔලිම්පික් ක්රීඩා උළෙලේ ක්රිකට් තරගාවලි සදහා ඉදිරිපත් කරනු ඇති.
