ස්ටුවට් බිනී ක්‍රිකට් පිටියට සමු දෙයි

ඉන්දීය තුන් ඉරියව් ක්‍රීඩක ස්ටුවට් බිනී ජාත්‍යන්තර හා පළමුපෙල ක්‍රිකට් පිටියෙන් සමු ගැනීමට තීරණය කර තිබෙනවා.

37 හැවිරිදි ඔහු ඉන්දියාව වෙනුවෙන් ටෙස්ට් තරග 6කට, එක්දින තරග 14කට හා 20යි 20 තරග 3කට ක්‍රීඩා කළ නමුත්, ඔහු අවසන් වරට ඉන්දීය ජාතික කණ්ඩායම නියෝජනය කළේ 2016 වසරේ දී යි.

2014 වසරේ දි ඔහු බංග්ලාදේශයට එරෙහි එක්දින තරගයකදී ලකුණු 9කට කඩුලු 6ක් දවා ගැනීමට සමත් වූ අතර, එය ඉන්දීය පන්දු යවන්නෙකු එක්දින තරගයකදී ප්‍රදර්ශනය කළ හොදම පන්දු යැවීමේ දක්ෂතාවයයි.