ඕෂද ප්රනාන්දුගේ විශිෂ්ඨ පිතිහරඹයත්, ඉසිත විජේසුන්දරගේ විශිෂ්ඨ පන්දු යැවීමත් හමුවේ දකුණු අප්රිකා A කණ්ඩායම සමග පැවැති පළමු සිව්දින ක්රිකට් තරගයෙන් කඩුලු හයක ජයක් වාර්තා කිරීමට ශ්රී ලංකා A කණ්ඩායම අද(11) සමත් වුණා.
Kimberley හී දී පැවැති තරගය අද දිනයට ආරම්භ කරන විට සිය දෙවැනි ඉනිමේ දී ලකුණු 174 ක ජයග්රාහී ඉලක්කයක් හඹා යමින් සිටි ශ්රී ලංකා A කණ්ඩායම කඩුල්ලක් දැවී ලකුණු 34 ක් ලබා සිටි අතර, ඔවුන් කඩුලු 4 ක් දැවී ජයග්රාහී ඉලක්කය සපුරා ගත්තා.
ඕෂද ප්රනාන්දු ලකුණු 80 ක් රැස් කළ අතර, ලහිරු උදාර ලකුණු 26 කට දැවී ගියා. ජනිත් ලියනගේ නොදැවී ලකුණු 23 ක් රැස් කළා. පසිදු සූරියබණ්ඩාර ලකුණු 22යි. පන්දු යැවීමේ දී Codi Yusuf කඩුලු දෙකක් බිද හෙලුවා.
තරගයේ පළමුව පන්දුවට පහරදුන් දකුණු අප්රිකා A කණ්ඩායම සියලු දෙනා දැවී ලකුණු 372 ක් ලබා ගත් අතර, පිළිතුරු ලෙස ශ්රී ලංකා A කණ්ඩායම සියලු දෙනා දැවී ලබා ගත් ලකුණු සංඛ්යාව 323 ක්. පළමු ඉනිම වෙනුවෙන් ඕෂද ප්රනාන්දු ලකුණු 122 ක් ලබා ගත් අතර, පසිදු සූරියබණ්ඩාර ලකුණු 61 ක් රැස් කළා.
අනතුරුව දකුණු අප්රිකා A දෙවැනි ඉනිම ලකුණු 124 කට සීමා කිරීමට ශ්රී ලංකා A පන්දු යවන්නන් සමත් වුණා. ඒ, සුපිරි පන්දු යැවීමක නිරත වෙමින් ඉසිත විජේසුන්දර ලකුණු 34 කට බිද හෙලූ කඩුලු 7 හමුවේයි.
