ශ්රී ලංකා තරග සංචාරය ආරම්භ කරමින් ඇෆ්ඝනිස්තාන ක්රිකට් කණ්ඩායම අද (22) දිවයිනට පැමිණියා.
කණ්ඩායම් දෙකක් ලෙස ඔවුන් මෙරටට ළගා වූ බවයි ශ්රී ලංකා ක්රිකට් ආයතනය සදහන් කළේ.
ඒ අනුව පළමු කණ්ඩායම පෙරවරු 8.30 ට ද, දෙවැනි කණ්ඩායම පෙරවරු 10.40 ට කටුනායක ගුවන් තොටුපොල වෙත ළගා වුණා.
හෂ්මටුල්ලාහ් ශහීඩිගේ නායකත්වයෙන් යුත් ඇෆ්ඝනිස්තාන එක්දින සංචිතයට ක්රීඩකයින් 18 දෙනෙකු ඇතුළත්.
ගුල්බදීන් නයිබ් හා මෙතෙක් ජාත්යන්තර එක්දින වරම් දිනා නොමැති 18 හැවිරිදි නූර් අහ්මඩ් ද සංචිතයට නම් කර තිබීම විශේෂත්වයක්.
සංචාරයේ දී දෙරට අතර තරග 3කින් යුත් එක්දින තරගාවලියක් පැවැත්වීමට නියමිත අතර, තරගාවලියේ සියලු තරග මහනුවර පල්ලේකැලේ ක්රීඩාංගනයේ දී පැවැත්වීමට නියමිතයි.
පළමු එක්දින තරගය එළඹෙන 25 වැනිදා ද, දෙවැනි එක්දින තරගය එළඹෙන 27 වැනිදා ද, තෙවැනි එක්දින තරගය එළඹෙන 30 වැනිදා ද පැවැත්වීමට නියමිතව තිබෙනවා.
Afghanistan team arrives#SLvAFG 📷 SLC pic.twitter.com/XCjVQXsjUV
— CricNow.lk (@cricnowlk) November 22, 2022
