ශ්රී ලංකා තරග සංචාරයට පෙර ඔස්ට්රේලියානු ක්රීඩකයින්ට බිග් බෑෂ් ලීග් ක්රිකට් තරගාවලියට ක්රීඩා කිරීමට අවස්ථාව ලැබෙන ආකාරය මේ වන විට ප්රකාශයට පත් කර තිබෙනවා.
ඒ අනුව ටෙස්ට් ලකුණු 999,9 ක් ලබා සිටින ස්ටීවන් ස්මිත් ශ්රී ලංකා සංචාරයට පෙර BBL තරග 3 ක් ක්රීඩා කිරීමටයි නියමිතව ඇත්තේ.
කෙසේ වෙතත්, මර්නස් ලබුෂේන්ට හා උස්මාන් කවාජාට ක්රීඩා කිරීමට අවසර ලබා දී ඇත්තේ එක් BBL තරගය බැගින් පමණයි.
ට්රැවිස් හෙඩ් හා ඔස්ට්රේලියානු පන්දු යවන්නන් ශ්රී ලංකා සංචාරයට පෙර විවේක ගැන්වීමට තීරණය කර තිබෙනවා.
ඇලෙක්ස් කෙරී, සෑම් කොන්ස්ටස්, බෙවු වෙබ්ස්ටර්, මිචෙල් මාර්ෂ් හා ජයි රිචර්ඩ්සන්ට ඉදිරි BBL තරග ක්රීඩා කිරීම සදහා අවසර ලබා දීමටයි ඔස්ට්රේලියානු ක්රිකට් බලධාරීන් පියවර ගෙන ඇත්තේ.
ට්රැවිස් හෙඩ්, ස්කොට් බෝලන්ඩ්, පැට් කමින්ස්, ජොෂ් හේසල්වුඩ්, නේදන් ලයන් හා මිචෙල් ස්ටක්ට මෙවර බිග් බෑෂ් ලීග් තරග වාරයම අහිමි වනවා.
ශ්රී ලංකා සංචාරය සදහා ක්රීඩකයින් 16 දෙනෙකුගෙන් යුත් ටෙස්ට් සංචිතයක් ඔස්ට්රේලියාව විසින් ඉදිරියේදී නම් කිරීමට ඉඩ ඇති බව සදහන්.
අනතුරුව එම සංචිතයේ ක්රීඩකයින් එක්සත් අරාබි එමීර් රාජ්යයේදී දින කිහිපයක පුහුණු කදවුරකට ද එක්වීමට නියමිතයි.
මෙම සංචාරය සදහා පෞද්ගලික හේතුවක් මත නායක පැට් කමින්ස් එක් නොවනු ඇති.
