බටහිර ඉන්දීය කොදෙව් දූපත්හි පැවැත්වෙන 2022 වයස අවුරුදු 19න් පහළ ලෝක කුසලාන එක්දින ක්රිකට් තරගාවලියේ සිව්වැනි අර්ධ අවසන් පූර්ව තරගය (Super League Quarter-Final 4) අද(27) පැවැත්වෙනවා.
ඒ, ශ්රී ලංකා යොවුන් කණ්ඩායම හා ඇෆ්ඝනිස්තාන යොවුන් කණ්ඩායම අතරයි.
තරගය මෙරට වේලාවෙන් පස්වරු 6.30ට ඇන්ටිගුවා හී දී ආරම්භ වීමට නියමිතයි.
මේ අතර, තරගාවලියේ පළමු අර්ධ අවසන් පූර්ව තරගයෙන් ජය වාර්තා කරමින් අවසන් පූර්ව වටයට සුදුසුකම් ලබා ගැනීමට එංගලන්ත යොවුන් කණ්ඩායම සමත් වුණා.
දකුණු අප්රිකා යොවුන් කණ්ඩායම සමග පැවැති තරගයෙන් ඔවුන් ජය වාර්තා කළේ කඩුලු 6කින්.
ඇන්ටිගුවාහි පැවැති තරගයේ පළමුවෙන් පන්දුවට පහරදුන් දකුණු අප්රිකාව පන්දුවාර 43.4ක් අවසානයේ සියලු දෙනා දැවී ලකුණු 209ක් රැස් කළ අතර, පිළිතුරු ලෙස එංගලන්තය පන්දුවර 31.2ක් අවසානයේ ජයග්රාහී ඉලක්කය පසු කළේ කඩුලු 4ක් දැවී සිටියදීයි.(212/4)
