නවතම අයි.සී.සී කාන්තා පන්දුවාර 20යි 20 ක්රීඩිකාවන් ශ්රේණිගත කිරීම් ජගත් ක්රිකට් කවුන්සලය විසින් අද(31) නිවේදනය කළා.
ඒ් අනුව පාකිස්තානයට එරෙහිව පැවැති තරග 3කින් යුත් 20යි 20 තරගාවලියේ දී කඩුලු 6ක් දවා ගත් ශ්රී ලංකාවේ ඕෂදී රණසිංහ පන්දු යවන්නියන් ශ්රේණිගත කිරීම්හි ස්ථාන 18කින් ඉදිරියට පැමිණ ඇත්තේ 38 වැනි ස්ථානය දක්වායි.
සුගන්දිකා කුමාරි 46 වැනි ස්ථානය දක්වා ස්ථාන 19කින් ඉදිරියට පැමිණ තිබෙනවා.
කවීෂා දිල්හාරි 59 වැනි ස්ථානය දක්වා ඉදිරියට පැමිණ ඇත්තේ ස්ථාන 13කින්.
මේ අතර, පිතිකාරිණියන් ශ්රේණිගත කිරීම්හි 74 වැනි ස්ථානය දක්වා ස්ථාන දෙකකින් ඉදිරියට පැමිණීමට හර්ෂිතා මාධවී සමත්ව ඇති බවයි ජගත් ක්රිකට් කවුන්සලය සදහන් කළේ.
හසිනි පෙරේරා 87 වැනි ස්ථානය දක්වා ස්ථාන 18කින් ද, නිලක්ෂි ද සිල්වා 92 වැනි ස්ථානය දක්වා ස්ථාන 22කින් ද ඉදිරියට පැමිණ තිබෙනවා.
මේ අතර, පාකිස්තාන දග පන්දු යවන ක්රීඩිකා Anam Amin පන්දු යවන්නියන් ශ්රේණිගත කිරීම්හි 4 වැනි ස්ථානය දක්වා ස්ථාන දෙකකින් ඉදිරියට පැමිණීමට ද සමත්ව තිබෙනවා.
