ශ්රී ලංකා ක්රිකට් කණ්ඩායම ඔක්තෝබර් මාසයේ දී ඕමානයේ තරග සංචාරයක නිරත වීමට නියමිතව තිබෙනවා.
එරට මාධ්ය වාර්තා කරන්නේ ශ්රී ලංකා කණ්ඩායම පන්දුවාර 20යි 20 ලෝක කුසලාන තරගාවලියට පෙර එම සංචාරයේ නිරත වන බවයි.
20යි 20 ලෝක කුසලානයට පෙරහුරුවක් වශයෙන් එම තරග සංචාරය යොදා ගෙන ඇති බව සදහන්.
එහිදී ශ්රී ලංකාව හා ඕමානය අතර 20යි 20 තරග 2ක් පැවැත්වීමට නියමිතයි.
ඔක්තෝබර් 7 වනදා හා 9 වනදා එම තරග දෙක Amerat හී දී පැවැත්වීමට නියමිතව තිබෙනවා.
“මෙම සංචාරයේ දී ශ්රී ලංකා කණ්ඩායම ඕමානයට එරෙහිව 20යි 20 තරග දෙකක් ක්රීඩා කරනවා” යනුවෙන් ඕමාන කණ්ඩායමේ පුහුණුකරු දුලීප් මෙන්ඩිස් මහතා සදහන් කළා.
මෙම සංචාරයෙන් පසුව ශ්රී ලංකා කණ්ඩායම 20යි 20 ලෝක කුසලාන තරගාවලිය ක්රීඩා කිරීම වෙනුවෙන් එක්සත් අරාබි එමීර් රාජ්ය වෙත පිටත්ව යනු ඇති.
මෙවර 20යි 20 ලෝක කුසලාන තරගාවලිය ඔක්තෝබර් 17 වනදා සිට එක්සත් අරාබි එමීර් රාජ්යයේ දී හා ඕමානයේ දී පැවැත්වීමට නියමිතයි.
