ශ්රී ලංකාව හා ඔස්ට්රේලියාව අතර පැවැත්වෙන තරග දෙකකින් යුත් එක්දින ක්රිකට් තරගාවලිය හෙට(12) ආරම්භ වනවා.
කොළඹ ආර්. ප්රේමදාස ක්රීඩාංගනයේදී දිවා තරග ලෙස එක්දින තරග දෙකම පැවැත්වීමට නියමිත අතර, ඒ අනුව පළමු තරගය හෙට පෙරවරු 10ට ආරම්භ වීමට නියමිතයි.
දෙරට අතර පැවැති ටෙස්ට් තරගාවලිය තරග 2-0 ක් ලෙස ජය ගත් ඔස්ට්රේලියාව මෙම තරගාවලියට ඉහළ මානසිකත්වයක් යටතේයි හෙට තරග බිමට පිවිසෙන්නේ.
දෙරටේ එක්දින තරග ඉතිහාස දත්ත වාර්තා –
ශ්රී ලංකාව හා ඔස්ට්රේලියාව අතර මේ දක්වා එක්දින තරග 103 ක් පවත්වා ඇති අතර, ඉන් තරග 64 ක් ජය ගෙන ඇත්තේ ඔස්ට්රේලියාවයි. ශ්රී ලංකාව එක්දින තරග 35 ක් ජය ගෙන ඇති අතර, තරග 4 ක් ප්රතිපලයකින් තොරවයි අවසන්ව ඇත්තේ.
දෙරට අතර මේ දක්වා ද්විපාර්ශ්වික එක්දින තරගාවලි 8 ක් පවත්වා තිබෙනවා. ඉන් තරගාවලි 4 කම ජය ශ්රී ලංකාව හිමි කර ගෙන ඇති අතර, ඔස්ට්රේලියාව ජය ගෙන ඇත්තේ තරගාවලි 3 ක් පමණයි. එක් තරගාවලියක් සමව අවසන් වුණා.
මේ අතර, ශ්රී ලංකාව හා ඔස්ට්රේලියාව අතර ශ්රී ලංකාවේදී මේ දක්වා එක්දින තරග 35 ක් පවත්වා තිබෙනවා. ඉන් තරග 17 ක් ශ්රී ලංකාවත්, තරග 15 ක් ඔස්ට්රේලියාවත්, ජය ගෙන ඇති අතර, තරග 3 ක් අවසන් වුණේ ප්රතිපලයකින් තොරවයි.
ශ්රී ලංකාවේදී මෙම කණ්ඩායම් දෙක අතර පවත්වා ඇති එක්දින තරගාවලි හයෙන් ශ්රී ලංකාව හා ඔස්ට්රේලියාව තරගාවලි 3 බැගින් ජය ගෙන තිබෙනවා.
