මෙවර ආසියානු කුසලාන පන්දුවාර 20යි 20 ක්රිකට් තරගාවලියේ අවසන් මහා තරගයට සුදුසුකම් ලබා ගැනීමට පාකිස්තාන කණ්ඩායම හා ශ්රී ලංකා කණ්ඩායම අද (7) සමත් වුණා.
ඒ, මෙවර තරගාවලියේ සුපිරි 4 වටය යටතේ පැවැති සිව්වැනි තරගයෙන් ඇෆ්ඝනිස්තානය පරදා පාකිස්තානය කඩුල්ලක තියුණු ජයක් වාර්තා කිරීමත් සමගයි.
ඒ අනුව ශ්රී ලංකාව හා පාකිස්තානය අතර අවසන් මහා තරගය එළඹෙන 11 වැනිදා ඩුබායි හී දී පැවැත්වීමට නියමිතයි.
සාජා හි අද පැවැති තරගය ජය ගැනීම සදහා ලකුණු 130 ක ඉලක්කයක් හඹා ගිය පාකිස්තානය ඉනිම නිමා වීමට පන්දු 4 ක් ඉතිරිව තිබියදී ජයග්රාහී ඉලක්කය පසු කළේ කඩුලු 9 ක් දැවී සිටියදී යි.
නායක බාබර් අසාම් තමා මුහුණ දුන් පළමු පන්දුවෙන්ම දැවී ගියේ ෆසල්හක් ෆරූකි යොමු කළ පන්දුවකට කඩුල්ල මුවා කිරීමේ වරදට හසු වෙමින්. ෆකාර් සමාන් ලකුණු 5 කට දුවද්දී දැවී ගියා. මොහමඩ් රිස්වාන් ලකුණු 20යි.
ඉෆ්ටිකාර් අහ්මඩ් ලකුණු 30 කටත්, ශඩාබ් ඛාන් ලකුණු 36 කටත් දැවී ගියා. අසිෆ් අලී ලකුණු 16 ක් රැස් කළා.
තරගයේ අවසන් පන්දුවාරයේ දී තරගය ජය ගැනීම සදහා පාකිස්තානයට ලකුණු 11 ක් අවශ්ය වුණා.
කඩුලු 9ක් දැවී ගොස් තිබූ අවස්ථාවක අවසන් පන්දුවාරයේ පළමු පන්දු දෙකේ දී නසීම් ශාහ් හයේ පහර 2ක් එල්ල කරමින් පාකිස්තානයට නොසිතූ ජයක් හිමි කර දීමට සමත් වුණා. (දර්ශන පහතින්)
පන්දු යැවීමේ දී ෆසල්හක් ෆරූකි හා ෆරීඩ් අහ්මඩ් කඩුලු 3 බැගින් බිද හෙලූ අතර, රෂීඩ් ඛාන් කඩුලු 2 ක් ද දවා ගත්තා.
තරගයේ කාසියේ වාසිය දිනූ පාකිස්තානයේ ආරාධනයෙන් පළමුව පන්දුවට පහරදුන් ඇෆ්ඝනිස්තානය නියමිත පන්දුවාර 20 තුළ කඩුලු 6 ක් දැවී ලබා ගත් ලකුණු සංඛ්යාව 129 ක්.
ඊබ්රහීම් සඩ්රාන් ලකුණු 35 ක් රැස් කළ අතර, හස්රටුල්ලාහ් සසායි ලකුණු 21 ක් ලබා ගත්තා. රෂීඩ් ඛාන් නොදැවී ලකුණු 18 ක් ද, රහ්මනුල්ලාහ් ගුර්බාස් ලකුණු 17 ක් ද රැස් කිරීමට සමත් වුණා.
පන්දු යැවීමේ දී හැරිස් රවුෆ් කඩුලු 2 ක් හා නසීම් ශාහ්, මොහමඩ් හස්නයින්, මොහමඩ් නවාස්, ශඩාබ් ඛාන් කඩුල්ල බැගින් දවා ගත්තා.
(අවසන් පන්දුවාරයේ දර්ශන කිහිපයක් පහතින්)
Naseem Shah, remember the name🔥#PAKvAFG #AsiaCup2022pic.twitter.com/aJ7KqMcCUZ
— Farid Khan 🇵🇰🇹🇷 (@_FaridKhan) September 7, 2022
What A Thriller, Naseem Shah you beauty 🔥👌👏.
Naseem Shah finish the match in style with two consecutive 6️⃣s.#PakvsAfg | #AsiaCup2022 pic.twitter.com/h6rcHuptZR— Fahad (@fahadtweets320) September 7, 2022
