සිව්කොන් ක්රිකට් තරගාවලියක් සංවිධාන කිරීමට අදාළ සිය යෝජනාව සම්බන්ධයෙන් ඉන්දීය ක්රිකට් ආයතනයේ සභාපති සෞරව් ගංගුලි සමග ඉදිරියේ දී පැවැත්වෙන ආසියානු ක්රිකට් කවුන්සල රැස්වීමේ දී සාකච්ඡා කරන බව පාකිස්තාන ක්රිකට් ආයතනයේ සභාපති රමීස් රාජා පවසනවා.
මීළග ආසියානු ක්රිකට් කවුන්සල රැස්වීම ලබන 19 වැනිදා ඩුබායි හී දී පැවැත්වීමට නියමිතව ඇති බවයි විදෙස් මාධ්ය වාර්තා කරන්නේ.
ඕස්ට්රේලියාව, එංගලන්තය, ඉන්දියාව හා පාකිස්තානය අතර අදාළ තරගාවලිය පැවැත්වීමට රමීස් රාජාගේ අවධාධනය යොමුව තිබෙනවා.
කෙසේ වෙතත්, ඊට ඉන්දියාව එකග නොවුණහොත්, ඔස්ට්රේලියාව හා එංගලන්තය සමග වාර්ෂිකව තුන් කොන් ක්රිකට් තරගාවලියක් සංවිධාන කිරීමටයි පාකිස්තාන ක්රිකට් ආයතනයේ සභාපතිවරයා සැලසුම් කර ඇත්තේ.
මේ අතර, ලබන වසරේ දී පාකිස්තානයේ දී පැවැත්වෙන ආසියානු කුසලාන ක්රිකට් තරගාවලිය සදහා ඉන්දියාව සහභාගී වනු ඇති බවට ද රමීස් රාජා විශ්වාසය පල කරනවා.
2022 ආසියානු කුසලාන පන්දුවාර 20යි 20 ක්රිකට් තරගාවලිය පැවැත්වීමට නියමිතව ඇත්තේ ශ්රී ලංකාවේ දී යි.
එම තරගාවලිය පැවැත්වෙන දින සම්බන්ධයෙන් ද එළඹෙන ආසියානු ක්රිකට් කවුන්සල රැස්වීමේ දී අවසන් තීරණයකට එළඹීමට නියමිත බව සදහන්.
ඔක්තෝබර් හා නොවැම්බර් මාසවල පැවැත්වීමට නියමිත 20යි 20 ලෝක කුසලාන තරගාවලිය ආරම්භ වීමට පෙර ආසියානු කුසලාන තරගාවලිය පැවැත්වීමට කටයුතු කරනු ඇති.
