එළඹෙන පන්දුවාර 20යි 20 ලෝක කුසලාන ක්රිකට් තරගාවලියේ පළමු වටය වෙනුවෙන් ශ්රී ලංකා ක්රිකට් කණ්ඩායමේ උපදේශක ලෙස පත් කෙරුණු හිටපු නායක මහේල ජයවර්ධන මහතා, ශ්රී ලංකා කණ්ඩායම සමග රැදී සිටින කාලය දීර්ඝ කර තිබෙනවා.
ඒ අනුව ඔහු අද(10) දිනයේ දී කණ්ඩායම සමග එක්වන බවයි වාර්තා වන්නේ.
මීට පෙර ශ්රී ලංකා ක්රිකට් ආයතනය නිවේදනය කළේ මහේල ජයවර්ධන ලබන 16 වනදා සිට 23 වනදා දක්වා සතියක කාලයක් කණ්ඩායම සමග රැදී සිටින බවයි.
නමුත්, ඔහු අද දිනයේ දී කණ්ඩායම සමග එක්වීමත් සමග ඔහු කණ්ඩායම සමග රැදී සිටින කාලය සති දෙකක පමණ කාලයක් දක්වා දීර්ඝ වනු ඇති.
මෙවර ඉන්දීය ප්රිමියර් ලීග් ක්රිකට් තරගාවලියේ දී ද ඔහු හිටපු ශූරයින් වන මුම්බායි ඉන්දියන්ස් කණ්ඩායමේ පුහුණුකරු ලෙස කටයුතු කළ නමුත්, එම කණ්ඩායම අවසන් වටයට(Playoffs) සුදුසුකම් ලැබීමට සමත් වූයේ නැහැ. අයි.පී.එල් තරගාවලියේ අවසන් වටයේ තරග අද සිට ආරම්භ වනවා.
ඒ හේතුවෙන් මහේල අද දිනයේ සිට ශ්රී ලංකා කණ්ඩායම සමග එක්වීමටයි පියවර ගෙන ඇත්තේ.
ලෝක කුසලාන තරගාවලිය සදහා අවසන් සංචිත ප්රකාශයට පත් කළ යුතු අවසන් දිනය වන්නේ ද අද දිනය වන බැවින්, ශ්රී ලංකා සංචිතයේ වෙනස්කම් කිහිපයක් ද සිදු කිරීමට නියමිතව ඇති බවයි වාර්තා වන්නේ.
නුවන් ප්රදීප් පසුගියදා මුහුණ දුන් ආබාධය ද එහිදී සලකා බැලෙනු ඇති.
