ලකුණු 23 ක් තුළ කඩුලු අටක් දැවී යාම හේතුවෙන් ඇෆ්ඝනිස්තානය සමග පැවැති පළමු එක්දින ක්රිකට් තරගයෙන් ලකුණු 92 ක පරාජයක් අත්කර ගැනීමට සංචාරක බංග්ලාදේශ කණ්ඩායමට අද(6) සිදු වුණා.
සාජාහී දී පැවැති තරගයේ පළමුව පන්දුවට පහරදුන් ඇෆ්ඝනිස්තානය පන්දුවාර 49.4 ක් අවසානයේ සියලු දෙනා දැවී ලකුණු 235 ක් ලබා ගත්තා.
මොහමඩ් නබී ලකුණු 84(79) ක් හා හෂ්මතුල්ලාහ් ශහීඩි ලකුණු 52(92) ක් රැස් කළා. පන්දු යැවීමේ දී ටස්කින් අහ්මඩ් හා මුස්ටර්ෆිසුර් රහ්මාන් කඩුලු 4 බැගින් බිද හෙලුවා.
තරගය ජය ගැනීම සදහා ලකුණු 236 ක ඉලක්කයක් හඹා ගිය බංග්ලාදේශයට පන්දුවාර 34.3 ක් අවසානයේ සියලු දෙනා දැවී ලබා ගත හැකි වූයේ ලකුණු 143 ක් පමණයි.
නජ්මුල් හොසේන් ශන්තෝ ලකුණු 47 කට හා සෞම්ය සාකාර් ලකුණු 33 කට දැවී ගියා. මෙහිදි හසාන් ලකුණු 28 යි.
පන්දු යැවීමේ දී AM Ghazanfar පන්දුවාර 6.3 ක් තුළ ලකුණු 26 කට කඩුලු හයක් දවා ගනිමින් බංග්ලාදේශයට දරුණු පරාජයක් උරුම කර දුන්නා.
බංග්ලාදේශය එක් අවස්ථාවක කඩුලු 2 ක් දැවී ලකුණු 120 ක් ලබා ස්ථාවර මට්ටමක රැදී සිටි නමුත්, ඔවුන්ගේ අවසන් කඩුලු 8 ලකුණු 23 ක් තුළ දැවී යාම කැපී පෙනුණා.
— cric sl (@cricslvideo) November 6, 2024
