ලංකා ප්රිමියර් ලීග් ක්රිකට් තරගාවලිය ශ්රී ලංකා ක්රිකට් ක්රීඩාවේ මුහුණුවර වෙනස් කරනු ඇති බව කැන්ඩි ටස්කර්ස් කණ්ඩායමේ තුන් ඉරියව් ක්රීඩක ඉන්දියාවේ ඉර්ෆාන් පතාන් පවසනවා.
එල්.පී.එල් තරගාවලිය මෙරට යොවුන් ක්රීඩකයින්ට ඉතා වැදගත් වනු ඇති බවත්, විවිධ අවස්ථා මෙන්ම අත්දැකීම් රැසක් ලබා ගැනීමේ අවස්ථාව තරගාවලිය තුළින් හිමි වන බවත් ඔහුගේ මතයයි.
ඒ ඔස්සේ ශ්රී ලංකා ක්රිකට් ක්රීඩාව ද මේ වන විට පවතින තත්ත්වයෙන් ඉහළ තැනකට ගමන් කරනු ඇති බව ඔහු පෙන්වා දෙනවා.
ශ්රී ලංකාව තුළ දක්ෂ ක්රීඩකයින්ගේ කිසිදු හිගයක් නොමැති බවත්, සිය අත්දැකීම් යොවුන් ක්රීඩකයින් සමග බෙදා ගැනීමට තමා අපේක්ෂාවෙන් පසුවන බවත්, ඉර්ෆාන් පතාන් වැඩිදුරටත් සදහන් කර සිටියා. (දර්ශන නැරඹිම සදහා මෙතන ක්ලික් කරන්න)
තරුණ ක්රීඩකයින්ට සිය දක්ෂතා පිළිබද දැඩි විශ්වාසයක් තරගාවලිය ඔස්සේ ඇති කරගත හැකි බවයි ඔහු කියා සිටියේ.
