බංග්ලාදේශ කණ්ඩායමේ දග පන්දු පුහුණුකරු ලෙස ශ්රී ලංකා හිටපු දග පන්දු යවන ක්රීඩක රංගන හේරත් පත් කිරීමට නියමිතව තිබෙනවා.
බංග්ලාදේශ ක්රිකට් ආයතනයේ ක්රිකට් මෙහෙයුම් ප්රධානී අක්රම් ඛාන් ක්රික්බස් වෙබ් අඩවියට සදහන් කර ඇත්තේ කඩිනමින් ඒ සම්බන්ධයෙන් අවසන් තීරණය ගන්නා බවයි.
මීට පෙර බංග්ලාදේශයේ දග පන්දු පුහුණුකරු ලෙස ඩැනියල් විටෝරි කටයුතු කළ නමුත්, පවතින කොරෝනා වසංගත තත්ත්වය හේතුවෙන් ඔහුට කණ්ඩායම සමග අඛණ්ඩව රැදී සිටීමට හැකි වූයේ නැහැ.
ඒ හේතුවෙන් එම ධූරය පුරප්පාඩු වී පවතිනවා.
රංගන හේරත්ට අමතරව ඉන්දියාවේ සයිරාජ් බහතුලේ මෙන්ම පාකිස්තානයේ සයීඩ් අජ්මාල් ද බංග්ලාදේශයේ දග පන්දු පුහුණුකරු ලෙස පත් කිරීම වෙනුවෙන් සලකා බලමින් සිටිනවා.
කෙසේ වෙතත්, ඒ අතරින් රංගන හේරත් ඉදිරියෙන්ම පසුවන බවයි අක්රම් ඛාන් සදහන් කර ඇත්තේ.
මේ අතර, රංගන හේරත් ද ක්රික්බස් වෙබ් අඩවිය වෙත තහවුරු කර ඇත්තේ මේ වන විට තමා බංග්ලාදේශ ක්රිකට් ආයතනය සමග මේ සම්බන්ධයෙන් සාකච්ඡා කරමින් සිටින බවයි.
