වයස අවුරුදු 19 න් පහළ කාන්තා පන්දුවාර විස්සයි 20 ආසියානු කුසලාන ක්රිකට් තරගාවලියේ තෙවැනි තරගයෙන් ශ්රී ලංකාව පරදා ලකුණු 28 ක ජයක් වාර්තා කිරීමට බංග්ලාදේශය අද(16) සමත් වුණා.
පන්දුවාර 17 කට සීමා වූ තරගයේ පළමුව පන්දුවට පහරදුන් බංග්ලාදේශය කඩුලු 9ක් දැවී ලකුණු 122 ක් රැස් කළ අතර, ශ්රී ලංකාවට පිළිතුරු ලෙස ලබා ගත හැකි වූයේ කඩුලු 8ක් දැවී ලකුණු 94 ක් පමණයි.
බංග්ලාදේශය වෙනුවෙන් Sadia Akter ලකුණු 31(25) ක් හා Afia Ashima ලකුණු 25(23) ක් රැස් කළා.
පන්දු යැවීමේදී රශ්මිකා සෙව්වන්දි ලකුණු 23 කට කඩුලු 4 ක් දවා ගත් අතර, ප්රමුදි මෙත්සරා හා අසේනි තලගුනේ කඩුලු 2 බැගින් බිද හෙලුවා.
පිළිතුරු ශ්රී ලංකා ඉනිමේ වැඩිම ලකුණු ලාභිනිය වූයේ ලකුණු 21(13) ක් රැස් කළ සංජනා කාවින්දි. රෂ්මිකා සෙව්වන්දි ලකුණු 20 කට දැවී ගියා.
පන්දු යැවීමේදී Sumaiya Akter ලකුණු 12 කට කඩුලු 3 ක් දවා ගත් අතර, Nishita Akter Nishi හා Farjana Easmin කඩුලු 2 බැගින් බිද හෙලුවා.
මැලේසියාවේ ක්වාලාලම්පූර්හීදී තරගාවලිය පැවැත්වෙනවා. තරගාවලිය යටතේ ශ්රී ලංකාව ක්රීඩා කළ පළමු තරගයෙන් ඔවුන් මැලේසියාව පරදා ලකුණු 94 ක දැවැන්ත ජයක් හිමි කර ගත්තා.
