පාකිස්තාන වේග පන්දු යවන ක්රීඩක මොහොමඩ් හස්නයින්ගේ පන්දු යැවීමේ ඉරියව්ව නීති විරෝධී බව තහවුරු වී තිබෙනවා.
පාකිස්තානයේ ලාහෝර් නුවර දී සිදු කෙරුණු පරීක්ෂණවලදී ඒ බව අනාවරණය වී ඇති බවයි ජගත් ක්රිකට් කවුන්සලය (අයි.සී.සී) නිවේදනය කළේ.
මොහොමඩ් හස්නයින්ගේ පන්දු යැවීමේ ඉරියව්ව නියමිත අංශක 15 සීමාව ඉක්මවා යන බව එම පරීක්ෂණවලදී තහවුරු වී ඇතැයි අයි.සී.සීය හා පාකිස්තාන ක්රිකට් ආයතනය නිකුත් කළ මාධ්ය නිවේදනවල සදහන්.
ඒ අනුව ජාත්යන්තර තරග පිටියේ දී ඔහුට පන්දු යැවීමේ තහනමක් මේ වන විට පනවා ඇති අතර, ඔහුට සිය ඉරියව්ව නිවැරැදි කර ගන්නා තුරු ජාත්යන්තර තරග පිටියේ දී පන්දු යැවීම සදහා අවස්ථාවක් හිමි වන්නේ නැහැ.
මේ වන විට පැවැත්වෙන පාකිස්තාන සුපර් ලීග් තරගාවලියේ දී ද ඔහුට පන්දු යැවීමට අවස්ථාවක් හිමි වන්නේ නැහැ.
ඔහුගේ ඉරියව්ව සැක සහිත බවට පසුගිය මාසයේ දී චෝදනා එල්ල වුණේ ඔස්ට්රේලියානු බිග් බෑෂ් ලීග් තරගාවලිය අතරතුර දී යි.
ඒ අනුව බ්රිස්බේන් නුවර දී ඔහු සිය පන්දු යැවීමේ ඉරියව්ව සම්බන්ධයෙන් වන පරීක්ෂණවලට මුහුණ දීමට නියමිතව තිබුණත්, මොහොමඩ් හස්නයින් ඔස්ට්රේලියාවෙන් පිටත්ව යාමට කටයුතු කළ බැවින් එම පරීක්ෂණය ලාහෝර්හී දී සිදු කිරීමට පසුව එකගතාවයකට එළඹ තිබුණා.
අනතුරුව සිදු කෙරුණු පරීක්ෂණවල ප්රතිපල ඔස්ට්රේලියානු ක්රිකට් ආයතනය වෙත යොමු කර තිබුණේ ස්වාධීන සමාලෝචනයක් හා තහවුරු කර ගැනීමක් වෙනුවෙන්.
21 හැවිරිදි හස්නයින් මේ වන විට පාකිස්තානය වෙනුවෙන් ජාත්යන්තර තරග 26කට ක්රීඩා කර ඇති අතර, එහිදී කඩුලු 29ක් දවා ගැනීමට සමත්ව තිබෙනවා.
