එංගලන්ත ප්රිමියර් ලීග් පාපන්දු තරගාවලිය යටතේ පැවැති තරගයකින් මැන්චෙස්ටර් යුනයිටඩ් කණ්ඩායම පරදා ගෝල 3-0 ක ජයක් වාර්තා කිරීමට ලිවර්පූල් කණ්ඩායම අද(1) සමත් වුණා.
තරගයේ පළමු අර්ධය නිමා වන විට ලිවර්පූල් කණ්ඩායම ඉදිරියෙන් පසු වුණේ ගෝල 2-0 ක් ලෙසයි.
Luis Díaz විසින් 35 වැනි මිනිත්තුවේ දී හා 42 වැනි මිනිත්තුවේ දී ගෝල දෙකක් රැස් කරමින් ලිවර්පූල් කණ්ඩායම පළමු අර්ධයේ දී ම පෙරමුණට රැගෙන ගියා.
දෙවැනි අර්ධයේ දී ක්රියාත්මක වූ Mohamed Salah 56 වැනි මිනිත්තුවේ දී ගෝලයක් රැස් කරමින් සිය කණ්ඩායමට විශිෂ්ඨ ජයක් හිමි කර දුන්නා.
මේ වන විට කණ්ඩායම් විස්සම තරග 3 බැගින් ක්රීඩා කර ඇති අතර, ප්රසාද ලකුණු සටහනට අනුව මැන්චෙස්ටර් සිටි කණ්ඩායම පළමු ස්ථානයේ ද, ලිවර්පූල් කණ්ඩායම දෙවැනි ස්ථානයේ ද රැදී සිටිනවා. මැන්චෙස්ටර් යුනයිටඩ් කණ්ඩායමට හිමිව ඇත්තේ 14 වැනි ස්ථානයේයි.
