එංගලන්තය සමග පැවැත්වීමට නියමිත දෙවන ටෙස්ට් ක්රිකට් තරගයේ දී අවශ්ය වුවහොත් පන්දු යැවීමෙන් ද දායකත්වය ලබා දීමට තමා සූදානම් බව ශ්රී ලංකා තුන් ඉරියව් ක්රීඩක ඇන්ජෙලෝ මැතිව්ස් පවසනවා.
ඒ, අද පැවැති මාධ්ය හමුවකට එක්වෙමින්.
පසුගිය දිනවලදී තමා පුහුණුවීම් සිදු කිරීමේ දී ද පන්දු යැවීමෙහි නිරත වූ බවයි මැතිව්ස් කියා සිටියේ.
“පුහුණුකරු ඒ ගැන මට කතා කරා. පන්දුවාර 5ක් විතරවත් යවලා දෙන්න පුලුවන් ද කියලා ඇහුවා. මම කීවා අනිවාර්යයෙන් මට පුලුවන් කියලා.” යනුවෙන් මැතිව්ස් කියා සිටියා.
“එක්දින සහ 20යි 20 තරගවලදීත් මම පන්දු යැව්වා පසුගිය කාලයේ දී .පුහුණුකරු පන්දුවාර 10ක් 15ක් ඉල්ලන්නෙ නැහැ. පන්දුවාර 3ක් 4ක් තමයි ඉල්ලන්නෙ. ඉතිං ඒ දේනුත් දායකත්වය දෙන්න පුලුවන්නම් මම අනිවාර්යයෙන්ම ලබා දෙනවා.”
එළඹෙන 22 වනදා දෙරට අතර ආරම්භ වීමට නියමිත දෙවැනි ටෙස්ට් තරගය ජයගත හැකි බවට විශ්වාස කරන බව ද මෙහිදී ඇන්ජෙලෝ මැතිව්ස් සදහන් කළා.
පිතිකරණයේ දී විවිධාකාර පීඩන තත්ත්වයන්ට මුහුණ දීමට සිදු වන බවත්, පිතිකරුවෙකු පරිණතභාවයට පත් වන්නේ එවැනි අවස්ථාවලට මුහුණ දීමෙන් බවත් මැතිව්ස් අවධාරණය කර සිටියා.
