Daniel Jarvis හෙවත් Jarvo 69 නමින් ප්රසිද්ධියට පත්ව සිටින ක්රිකට් ප්රේක්ෂකයා අද(3) දිනයේ දී අත්අඩංගුවට ගෙන තිබෙනවා.
ඒ, ඉන්දියාව හා එංගලන්තය අතර ලන්ඩන් නුවර කෙනින්ටන් ඕවල් ක්රීඩාංගනයේ පැවැත්වෙන සිව්වැනි ටෙස්ට් ක්රිකට් තරගයේ දෙවැනි දිනය වූ අද දිනයේ දී ඔහු යළිත් ක්රීඩාංගනය තුළට අනවසරයෙන් ඇතුළු වීම හේතුවෙන්.
මෙම ටෙස්ට් තරගාවලියේ දී ඔහු ක්රීඩාංගනය තුළට අනවසරයෙන් ඇතුළු වූ තෙවැනි අවස්ථාව මෙයයි.
අද දිනයේ දී එම ප්රේක්ෂකයා ඔලී පෝප් පන්දුවට පහර දෙමින් සිටින අතරවාරයේ දී පිටියට පැමිණ ඔහුට පන්දුවක් යොමු කිරීමට උත්සාහ දැරුවා.
එම අවස්ථාවේ දී Jarvo හා පන්දු යවන්නාගේ අන්තයේ සිටි පිතිකරුවා වූ ජොනී බෙයාර්ස්ටව් අතර ගැටීමක් ද සිදු වුණා.
අනතුරුව ක්රීඩාංගනයේ ආරක්ෂක නිළධාරීන් විසින් ඔහුව සිය භාරයට ගත් අතර, පසුව පොලිස් අත්අඩංගුවට පත් වුණා.
ඔහු මේ වන විට දකුණු ලන්ඩනයේ පොලිස් ස්ථානයක රැදී සිටින බවත්, පහර දීමේ චෝදනාවක් මත සැකපිට අත්අඩංගුවට ගැනීම සිදු කර ඇති බවත්, ස්කොට්ලන්ඩ් යාඩ් (Met Police) පොලීසිය නිවේදනය කළා.
Jarvo with the ball for India this time 🤣🤣 #ENGvINDpic.twitter.com/lZ5HhdvlqW
— CricTracker (@Cricketracker) September 3, 2021
