සංචාරක පාකිස්තාන කණ්ඩායම හා බටහිර ඉන්දීය කෙදෙව් කණ්ඩායම අතර පැවැත්වෙන පළමු ටෙස්ට් ක්රිකට් තරගයේ දෙවැනි දිනය මෙරට වේලාවෙන් අද(14) අලුයම නිමා වුණා.
ඒ වන විට සිය පළමු ඉනිම ක්රීඩා කරමින් සිටි කොදෙව්වන් කඩුලු 8ක් දැවී ලකුණු 251ක් රැස් කර සිටියා.
නායක ක්රෙයිග් බ්රැත්වෙයිට් ලකුණු 97ක් ලබා සිටියදී අවාසනාවන්ත ලෙස දුවද්දී දැවී යාමකට හසු වුණේ හසන් අලීගේ සුපිරි පන්දු රැකීමක් හමුවේයි. (දර්ශන පහතින් නරඹන්න)
ජේසන් හෝල්ඩර් ලකුණු 58යි. බ්රැත්වෙයිට් හා හෝල්ඩර් අතර 6 වන කඩුල්ල සදහා ගොඩ නැගුණු සබදතාවය ලකුණු 96ක්.
ජර්මයින් බ්ලැක්වුඩ් ලකුණු 22ක් හා රොස්ටන් චේස් ලකුණු 21ක් රැස් කළ අතර, ජොෂුවා ද සිල්වා නොදැවී ලකුණු 20යි.
පන්දු යැවීමේ දී මොහොමඩ් අබ්බාස් කඩුලු 3ක් දවා ගත් අතර, ශහීන් ශාහ් අෆ්රිඩි කඩුලු 2ක් බිද හෙලුවා.
ජැමයිකාවේ පැවැත්වෙන තරගයේ පළමුවෙන් පන්දුවට පහරදුන් පාකිස්තානය සිය පළමු ඉනිමට රැස් කළ ලකුණු සංඛ්යාව 217ක්.
ඒ අනුව කොදෙව්වන් මේ වන විට පළමු ඉනිමේ දී ලකුණු 34ක් ඉදිරියෙන් පසුවනවා.
