නායක නිකලස් පූරාන් පන්දු 55 කින් නොදැවී වාර්තා කළ ලකුණු 137 හමුවේ ඇමෙරිකාවේ පළමු වරට පැවැති මේජර් ලීග් ක්රිකට් තරගාවලියේ ශුරතාවය දිනා ගැනීමට MI New York කණ්ඩායම මෙරට වේලාවෙන් අද(31) පෙරවරුවේ සමත් වුණා.
ටෙක්සාස්හි ඩලස් නුවර පැවැති අවසන් මහා තරගයේ දී ඔවුන් හමුවේ කඩුලු 7 කින් පරාජයට පත් වූයේ Seattle Orcas කණ්ඩායමයි.
නිව් යෝර්ක් කණ්ඩායමේ ආරාධනයෙන් තරගයේ පළමුව පන්දුවට පහරදුන් සියැටල් කණ්ඩායම නියමිත පන්දුවාර 20 තුළ කඩුලු 9ක් දැවී ලකුණු 183 ක් ලබා ගත්තා.
ක්වෙන්ටන් ඩී කොක් පන්දු 52 කින් ලකුණු 87 ක් රැස් කළා. හයේ පහර 4 ක් හා හතරේ පහර 9 ක් ඔහුගේ ඉනිමට ඇතුළත්.
පන්දු යැවීමේ දී ට්රෙන්ට් බෝල්ට් හා රෂිඩ් ඛාන් කඩුලු 3 බැගින් බිද හෙලුවා. රෂීඩ් සිය පන්දුවාර 4 තුළ දී ප්රතිවාදීන්ට ලබා දුන්නේ ලකුණු 9 ක් පමණයි.
පිළිතුරු ඉනිම ක්රීඩා කළ නිව් යෝර්ක් කණ්ඩායමේ පළමු කඩුල්ල ලකුණු ලබා ගැනීමට පෙර දැවී ගියා. ඒ, ස්ටීවන් ටේලර් ඉනිමේ තෙවැනි පන්දුවෙන්ම දැවී යාමත් සමගයි.
කෙසේ වෙතත්, අංක 3 පිතිකරු වූ පූරාන් හයේ පහර 13 කින් හා හතරේ පහර 10 කින් සිය ඉනිම වර්ණවත් කරමින් සිය කණ්ඩායමට MLC පළමු ශූරතාවය හිමි කර දුන්නා.
ඩිවල්ඩ් බ්රේවිස් ලකුණු 20 කට දැවී ගිය අතර, ටිම් ඩේවිඩ් නොදැවී ලකුණු 10යි.
එම්අයි නිව් යෝර්ක් කණ්ඩායමේ පන්දු යැවීමේ පුහුණුකරු ලෙස කටයුතු කරන්නේ හිටපු ශ්රී ලංකා හා මුම්බායි ඉන්දියන්ස් සුපිරි වේග පන්දු යවන ක්රීඩක ලසිත් මාලිංගයි.
𝓞𝓷 𝓻𝓮𝓹𝓮𝓪𝓽 🔄
Can’t stop watching @nicholaspooran’s 1️⃣3️⃣ sixes he hit today‼️ #MLC2023 #MLCFINAL pic.twitter.com/OynKTi2xnD
— Major League Cricket (@MLCricket) July 31, 2023
