ප්රියමාල් පෙරේරා නොදැවී ලබා ගත් ලකුණු 98න් ශක්තිමත් වෙමින් National Super League’ හෙවත් ජාතික සුපර් ලීග් එක්දින ක්රිකට් තරගාවලියේ පළමු තරගයෙන් කඩුලු 3ක ජයක් වාර්තා කිරීමට ගාල්ල කණ්ඩායම අද(24) සමත් වුණා.
කොළඹ එස්.එස්.සී ක්රීඩාංගනයේ පැවැති තරගයේ දී ඔවුන් හමුවේ පරාජයට පත් වූයේ කොළඹ කණ්ඩායමයි.
තරගයේ පළමුවෙන් පන්දුවට පහරදුන් කොළඹ කණ්ඩායම පන්දුවාර 47.3ක් අවසානයේ සියලු දෙනා දැවී ලබා ගත්තේ ලකුණු 213ක් පමණයි.
ක්රිෂාන් සංජුල ලකුණු 46ක්, කුසල් මෙන්ඩිස් ලකුණු 37ක් හා අශේන් බණ්ඩාර ලකුණු 34 ක් රැස් කළා.
පන්දු යැවීමේ දී මහීෂ් තීක්ෂණ කඩුලු 3ක් දවා ගත් අතර, ධනංජය ලක්ෂාන් හා රමේෂ් මෙන්ඩිස් කඩුලු 2 බැගින් බිද හෙලුවා.
පිළිතුරු ඉනිම ක්රීඩා කළ ගාල්ල කණ්ඩායම ජයග්රාහී ඉලක්කය පසු කළේ පන්දුවාර 42.4 ක් අවසානයේ කඩුලු 7ක් දැවී සිටියදීයි.
ඔවුන්ගේ ඉනිමේ 5 වැනි කඩුල්ල ලකුණු 93දී බිද වැටුණේ ජයග්රහනය පිළිබද වැඩි බලාපොරොත්තු කොළඹ කණ්ඩායම වෙත නතු කරමින්.
කෙසේ වෙතත්, අනතුරුව 6 වැනි කඩුල්ල සදහා ලකුණු 110ක සබදතාවයක් ගොඩ නැගීමට ප්රියමාල් පෙරේරා හා රමේෂ් මෙන්ඩිස් සමත් වුණා.
රමේෂ් ලකුණු 37කට දැවී ගිය අතර, ප්රියමාල් නොදැවී ලකුණු 98ක් ලබා ගත්තේ හයේ පහරක් හා හතරේ පහර 11ක් සමගින්.
ආරම්භක පිතිකරු ධනංජය ලක්ෂාන් ලකුණු 29කට දුවද්දී දැවී ගියා.
පන්දු යැවීමේ දී ප්රභාත් ජයසූරිය හා කවිදු නදීෂාන් කඩුලු 2 බැගින් බිද හෙලුවා.
