ඉන්දීය තුන් ඉරියව් ක්රීඩක හර්ඩික් පාන්ඩ්යාට මෙවර ලෝක කුසලාන එක්දින ක්රිකට් තරගාලිය යටතේ ඉන්දියාව ක්රීඩා කරන මීළග තරග දෙක ද ක්රීඩා කිරීමේ අවස්ථාව අහිමි වී තිබෙනවා.
ඒ, බංග්ලාදේශය සමග පසුගිය 19 වැනිදා පැවැති තරගයේ දී ඔහු මුහුණ දුන් වම් වළලුකර ප්රදේශයේ ආබාධය හේතුවෙන්.
ඒ අනුව ශ්රී ලංකාව සමග හෙට(2) පැවැත්වෙන තරගය හා දකුණු අප්රිකාව සමග එළඹෙන 5 වැනිදා පැවැත්වීමට නියමිත තරගය සදහා ඔහුට ක්රීඩා කිරීමට හැකි වන්නේ නැහැ.
බංග්ලාදේශයට එරෙහිව පූනේ හී දී පැවැති තරගයේ පළමුව පන්දුවට පහර දෙමින් සිටි බංග්ලාදේශ ඉනිමේ 9 වැනි පන්දුවාරය යොමු කරමින් සිටියදීයි පාන්ඩ්යා ආබාධයකට මුහුණ දුන්නේ.
ඔහු විසින් එම තරගයේ දී යොමු කළ පළමු පන්දුවාරය එය වූ අතර, එම පන්දුවාරයේ තෙවැනි පන්දුව යොමු කිරීමෙන් අනතුරුව තමා දෙසට පෙරළා පැමිණි පන්දුව පාදයෙන් නතර කිරීමට ගත් උත්සාහයේ දී පාන්ඩ්යාගේ වම් වළලුකර ප්රදේශයේ ආබාධය සිදු වුණා.
ආබාධය හේතුවෙන් පසුගිය 22 වැනිදා නවසීලන්තයට එරෙහිව පැවැති තරගය සදහා ක්රීඩා කිරීමේ අවස්ථාව ඔහුට අහිමි වූ අතර, පසුගිය 29 වැනිදා එංගලන්තයට එරෙහිව පැවැති තරගය සදහා ඔහුව ක්රීඩා කරවීමට සැලසුම් කර තිබුණා. කෙසේ වෙතත්, පාන්ඩ්යාට එම තරගය ද අහිමි වුණා.
