නවසීලන්තය සහ ඔස්ට්රේලියාව අතර පැවැත්වීමට නියමිත ඉතිරි 20යි 20 තරග සියල්ලම වෙලින්ටන් හී දී ම පැවැත්වීමට තීරණය කර තිබෙනවා.
ඒ, නවසීලන්තයේ පවතින කොරෝනා වසංගතයේ නවතම තත්ත්වය සැලකිල්ලට ගනිමින්.
ඒ අනුව සියලු තරග ප්රේක්ෂක සහභාගීත්වයක් නොමැතිව පැවැත්වීමට ද සිදුව තිබෙනවා.
මීට පෙර දෙරට අතර පැවැත්වීමට නියමිතව තිබූ 5 වන 20යි 20 තරගය Tauranga හී දී පැවැත්වීමට නියමිතව තිබුණා.
සිව්වන තරගය ද ඔක්ලන්ඩ් නුවර දී පැවැත්විමට නියමිතව තිබූ නමුත්, එම තරගය ද වෙලින්ටන්හී දී පැවැත්වීමටයි පසුගියදා තීරණය කෙරුණේ.
ඒ, ඔක්ලන්ඩ් නුවර සතියක කාලයක් සදහා හුදෙකලා කිරීමට එරට රජය තීරණය කිරීම හේතුවෙන්.
මේ අතර, නවසීලන්ත කාන්තා කණ්ඩායම සහ එංගලන්ත කාන්තා කණ්ඩායම අතර පැවැත්වීමට නියමිත 20යි 20 තරගාවලියේ සියලු තරග ද වෙලින්ටන් හී දී ම පැවැත්වීමට එරට ක්රිකට් ආයතනය තීරණය කර තිබෙනවා.
