ලංකා ප්රිමියර් ලීග් ක්රිකට් තරගාවලියේ අවසන් වටයේ තරග අද(19) ආරම්භ වුණා.
ඒ, කලම්බු ස්ටාර්ස් කණ්ඩායම හා දඹුල්ල ජයන්ට්ස් කණ්ඩායම අතර පැවැති Eliminator තරගත් සමගයි.
මෙම තරගයේ දී දඹුල්ල කණ්ඩායම මෙහෙයවීමේ වගකීම නිරෝෂන් දික්වැල්ලට හිමි වුණේ නිත්ය නායක දසුන් ශානක ආබාධයකට ලක්වීම හේතුවෙන් අදාළ තරගයට ක්රීඩා නොකළ බැවින්.
කෙසේ වෙතත්, දික්වැල්ලට මෙම තරගයේ දී ලකුණු අතරට පැමිණීමට කලම්බු ස්ටාර්ස් කණ්ඩායමේ දුෂ්මන්ත චමීර ඉඩ ලබා දුන්නේ නැහැ.
ඒ, දඹුල්ල ජයන්ට්ස් ඉනිමේ පළමු පන්දුවෙන්ම දික්වැල්ලගේ කඩුල්ල දවා ගනිමින්.
පන්දු යැවූ දුෂ්මන්ත චමීර විසින්ම උඩ පන්දුවක් රැක ගැනීම හේතුවෙනුයි දික්වැල්ල දැවී ගියේ.
දුෂ්මන්ත චමීර විසින් එම පන්දුවාරයේ අවසන් පන්දුව පැයට කිලෝ මීටර් 150 ඉක්මවූ වේගයකින් යොමු කරමින් තරගාවලියේ වේගවත්ම පන්දුව යොමු කිරීම ද කැපී පෙනුණා.
කෙසේ වෙතත්, තමා විසින් පිහිටු වූ එම වාර්තාව ඔහු විසින් යොමු කළ ඊළග පන්දුවාරයේ දී ම බිද දැමීමට දුෂ්මන්ත සමත් වුණේ පැයට කිලෝ මීටර් 150.6ක වේගයකින් පන්දුව යොමු කරමින්.
දර්ශන පහතින් –
— cric fun (@cric12222) December 19, 2021
