ලංකා ප්රිමියර් ලීග් ක්රිකට් තරගාවලියට ක්රීඩා කරන දඹුල්ල කණ්ඩායමේ නව හිමිකරුවන් සහ නව නාමය අද ශ්රී ලංකා ක්රිකට් ආයතනය විසින් නිවේදනය කළා.
ඒ අනුව 2024 LPL තරගාවලියේදී දඹුල්ල කණ්ඩායම “දඹුල්ල සික්සර්ස්” ලෙස හැඳින්වීමට නියමිතයි.
ඇමරිකාවේ ලොස් ඇන්ජලිස් නුවර සිවිල් ඉංජිනේරු උපදේශන සමාගමක් වන Sequoia Consultants, Inc. සමාගම විසින් දඹුල්ල කණ්ඩායමේ හිමිකාරීත්වය ලබා ගෙන ඇති බව සදහන්.
Sequoia Consultants හි හිමිකාරීත්වය දරනු ලබන්නේ ප්රියංග ද සිල්වා මහතා විසිනුයි.
ඔහු හිටපු පළමු පෙළ ක්රීඩකයෙකුද වන අතර, 1983 වසරේදී ඔහු ශ්රී ලංකා වයස අවුරුදු 19න් පහළ කණ්ඩායමද නියෝජනය කළා.
දඹුල්ල කණ්ඩායමේ හිමිකරුවෙකු ලෙස මීට පෙර කටයුතු කළ Tamim Rahman නමැත්තා දූෂන චෝදනා මත පසුගිය 22 වැනිදා කටුනායක ජාත්යන්තර ගුවන්තොටුපොළේ දී අත්අඩංගුවට ගැණුනා.අනතුරුව එම හිමිකරුවන් සමග පැවැති ගිවිසුම අවසන් කිරීමටයි තරගාවලියේ සංවිධායකයින් තීරණය කළේ.
LPL තරගාවලිය ජූලි පළමු වැනිදා සිට 21 වැනිදා දක්වා පැවැත්වීමට නියමිතයි.
මහනුවර පල්ලේකැලේ, රංගිරි දඹුල්ල හා කොළඹ ආර්. ප්රේමදාස යන ජාත්යන්තර ක්රිකට් ක්රීඩාංගනවලදී තරග පැවැත්වීමට නියමිතව තිබෙනවා.
