දකුණු අප්‍රිකාවේ මගාලාට අයර්ලන්ත සංචාරය අහිමි වෙයි

දකුණු අප්‍රිකා වේග පන්දු යවන ක්‍රීඩක සිසන්ඩා මගාලාට (Sisanda Magala) අයර්ලන්ත තරග සංචාරය අහිමි වී තිබෙනවා.

ඒ, ඔහුගේ වම් පාදයේ සිදු වූ ආබාධයක් හේතුවෙන්.

තරග සංචාරය සදහා බටහිර ඉන්දීය කොදෙව් දූපත් හී දී සූදානම් වෙමින් සිටින අතරවාරයේ දී ඔහු මෙම ආබාධයට ලක්ව ඇති බව සදහන්.

ඒ අනුව ඔහුට සුවය ලැබීම සදහා සති 3ක හෝ 4ක කාලයක් ගත වනු ඇති බවයි දකුණු අප්‍රිකා ක්‍රිකට් ආයතනය නිවේදනය කළේ.

මේ අතර, කොදෙව් තරග සංචාරයට එක්වූ බෙයුරන් හෙන්ඩ්‍රික්ස් ද අයර්ලන්ත සංචාරය වෙනුවෙන් කැදවා තිබෙනවා.

මේ වන විට දකුණු අප්‍රිකා ක්‍රීඩකයින් Dublin නුවරට ළගා වී ඇති අතර, මෙම තරග සංචාරයේ දී දකුණු අප්‍රිකාව හා අයර්ලන්තය අතර එක්දින තරග 3ක් සහ 20යි 20 තරග 3ක් පැවැත්වීමට නියමිතයි.

ලබන 11 වනදා ආරම්භ වන එක්දින තරගාවලිය හා පළමු 20යි 20 තරගය Dublin හී දී පැවැත්වෙන අතර, අවසන් 20යි 20 තරග 2 Belfast හී දී පැවැත්වීමට නියමිතව තිබෙනවා.