නවතම අයි.සී.සී එක්දින තුන් ඉරියව් ක්රීඩකයින් ශ්රේණිගත කිරීම්හි පෙරමුණ හිමි කර ගැනීමට ඇෆ්ඝනිස්තානයේ අස්මතුල්ලාහ් ඔමර්සායි සමත්ව තිබෙනවා.
ඒ, මෙතෙක් පළමු ස්ථානයේ රැදී සිටි ඇෆ්ඝනිස්තානයේම මොහමඩ් නබී දෙවැනි ස්ථානයට ඇද දමමින්.
ජාත්යන්තර ක්රිකට් කවුන්සලය ඊයේ(5) නිකුත් කළ නවතම ශ්රේණිගත කිරීම්වලට අනුව ඔමර්සායි ශ්රේණිගත ලකුණු 296 ක් ලබා ගනිමින් ස්ථාන දෙකකින් ඉදිරියට පැමිණෙමිනුයි තුන් ඉරියව් ක්රීඩකයින් අතර පෙරමුණට පත්ව ඇත්තේ.
මේ අතර, එක්දින පන්දු යවන්නන් අතර පෙරමුණ තවදුරටත් මහීෂ් තීක්ෂණට හිමිව ඇති අතර, කේෂාව් මහරාජ් දෙවැනි ස්ථානය දක්වා ස්ථන දෙකකින් ද, මැට් හෙන්රි තෙවැනි ස්ථානය දක්වා ස්ථාන තුනකින් ද ඉදිරියට පැමිණ තිබෙනවා.
රෂීඩ් ඛාන් 5 වැනි ස්ථානය දක්වා පසුබැස ඇත්තේ ස්ථාන 3 කින්.
මේ අතර, ෂුබ්මන් ගිල් පෙරමුණේ පසුවන එක්දින පිතිකරුවන් ශ්රේණිගත කිරීම්හි තෙවැනි ස්ථානය දක්වා එක් ස්ථානයකින් ඉදිරියට පැමිණීමට හෙන්රික් ක්ලාසන් සමත්ව ඇති අතර, විරාත් කෝලි ද එහි සිව්වැනි ස්ථානය දක්වා ස්ථානයකින් ඉදිරියට පැමිණීමට සමත්ව තිබෙනවා.
