තවත් ක්‍රීඩකයෙකු ලෝක කුසලානයෙන් ඉවතට

බංග්ලාදේශ වේග පන්දු යවන ක්‍රීඩක මොහොමඩ් සයිෆුදීන්ට මෙවර පන්දුවාර 20යි 20 ලෝක කුසලාන ක්‍රිකට් තරගාවලියේ ඉදිරි තරග අහිමි වී තිබෙනවා.

ඒ, ඔහු පිට කොන්දේ ආබාධයකට ලක් වීම හේතුවෙන්.

ඒ අනුව සයිෆුදීන් වෙනුවට රුබෙල් හුසේන් බංග්ලාදේශ සංචිතයට කැදවීමටයි පියවර ගෙන ඇත්තේ.

හුසේන් මෙතෙක් සංචිතයේ අතිරේක ක්‍රීඩකයෙකු ලෙසයි රැදී සිටියේ.

ආබාධයක් හේතුවෙන් නවසීලන්තයේ ලුකී ෆර්ගියුසන්ට ද ඊයේ දිනයේ දී තරගාවලියෙන් ඉවත් වීමට සිදු වුණා.