ඔස්ට්රේලියාව හා ඇෆ්ඝනිස්තානය අතර පැවැත්වීමට නියමිත ටෙස්ට් ක්රිකට් තරගය කල් දැමීමට කටයුතු කළ බව ඔස්ට්රේලියානු ක්රිකට් ආයතනය තහවුරු කර තිබෙනවා.
ඇෆ්ඝනිස්තානයේ තත්ත්වය “පැහැදිලි” වනතුරු එම පියවර ගත් බවයි ඔස්ට්රේලියානු ක්රිකට් ආයතනය නිවේදනය කළේ.
මෙම ඓතිහාසික ටෙස්ට් තරගය හෝබාර්ට්හී දී පැවැත්වීමට නියමිතව තිබුණේ නොවැම්බර් 27 වනදා සිටයි.
ඔස්ට්රේලියාව හා ඇෆ්ඝනිස්තානය අතර පැවැත්වීමට නියමිත ඉතිහාසයේ පළමු ටෙස්ට් තරගය එය වීම විශේෂත්වයක්.
එම තරගය 2020 වසරේ දෙසැම්බර් මාසයේ දී පැවැත්වීමට පළමුව සැලසුම් කර තිබුණත්, කොවිඩ් 19 වසංගතය හේතුවෙන් එය කල් දැමුණා.
තලේබාන් සංවිධානය ඇෆ්ඝනිස්තානයේ පාලන බලය අත්පත් කර ගැනීමත් සමග එරට කාන්තා ක්රිකට් ක්රීඩාවේ අනාගතය අවිනිශ්චිත වීම හේතුවෙන් මීට පෙර ඔස්ට්රේලියානු ක්රිකට් ආයතනය සදහන් කළේ අදාළ ටෙස්ට් තරගය කල් දැමීමට කටයුතු කරන බවයි.
“අදාළ පාර්ශ්වකරුවන් සමඟ පුළුල් සාකච්ඡාවකින් පසුව ඇෆ්ගනිස්තානයට එරෙහි මංගල ටෙස්ට් තරගය කල් දැමීමට ඕස්ට්රේලියානු ක්රිකට් ආයතනය සහ ඇෆ්ගනිස්තාන ක්රිකට් පාලක මණ්ඩලය එකඟ වී තිබේ.”
යනුවෙන් ඔස්ට්රේලියානු ක්රිකට් ආයතනය සදහන් කළා.
“ඇෆ්ගනිස්ථානයේ සහ ලොව පුරා කාන්තාවන් හා පිරිමින් සඳහා ක්රීඩාව වර්ධනය කිරීමට සහාය වීමට ඔස්ට්රේලියානු ක්රිකට් ආයතනය කැපවී සිටියි. කෙසේ වෙතත්, වර්තමාන අවිනිශ්චිතතාවය අනුව, තත්වය වඩාත් පැහැදිලි වන තෙක් ටෙස්ට් තරඟය කල් දැමීම අවශ්ය බව ඔස්ට්රේලියානු ක්රිකට් ආයතනයට හැඟුණි.”
