දකුණු අප්රිකාව සමග පැවැත්වීමට නියමිත දෙවැනි හා අවසන් ටෙස්ට් ක්රිකට් තරගය ක්රීඩා කිරීමේ අවස්ථාව බංග්ලාදේශ ක්රීඩක ජේකර් අලීට අහිමි වී තිබෙනවා.
ඔහු වෙනුවට මහිදුල් ඉස්ලාම් සංචිතයට ආදේශ කිරීමටයි පියවර ගෙන ඇත්තේ.
ඉරිදා දිනයේ Chattogram හීදී පැවැති පුහුණුවීම් අතරතුර දී ජේකර් අලී කම්පන තත්ත්වයකට මුහුණ දී තිබීම හේතුවෙන් ඔහුව දෙවැනි ටෙස්ට් තරගයෙන් මෙලෙස ඉවත් කර ඇති බව සදහන්.
දෙරට අතර ඩකාහී දී පැවැති පළමු ටෙස්ට් තරගයේදීයි ජේකර් අලී සිය මංගල ටෙස්ට් තරගයට ක්රීඩා කළේ.
එම තරගයේ බංග්ලාදේශ දෙවැනි ඉනිමේ දී ඔහු අර්ධ ශතකයක් ද වාර්තා කිරීමට සමත් වුණා.
දෙවැනි ටෙස්ට් තරගය හෙට(29) Chattogram හීදී ආරම්භ වීමට නියමිත අතර, පළමු තරගයෙන් කඩුලු හතක ජයක් වාර්තා කළ දකුණූ අප්රිකාව තරග 1-0 ක් ලෙස මේ වන විට තරගාවලියේ පෙරමුණ හිමි කර ගෙන සිටිනවා.
