ඔස්ට්රේලියානු තුන් ඉරියව් ක්රීඩක ග්ලේන් මැක්ස්වෙල්ට මෙවර ලෝක කුසලාන එක්දින ක්රිකට් තරගාවලිය යටතේ සෙනසුරාදා පැවැත්වීමට නියමිත එංගලන්තයට එරෙහි තරගය ක්රීඩා කිරීමේ අවස්ථාව අහිමි වී තිබෙනවා.
ඒ, ඔහු ගොල්ෆ් ක්රීඩාවේ නිරතව සිටියදී මුහුණ දුන් අනතුරක් නිසා කම්පන (concussion) තත්ත්වයකට මුහුණ දීම හේතුවෙන්.
පසුගිය සදුදා ඔස්ට්රේලියානු ක්රීඩකයින් අහ්මදාබාද් හී දී මෙලෙස ගොල්ෆ් ක්රීඩාවේ නිරතව තිබූ බව සදහන්.
මැක්ස්වෙල්ට ලෝක කුසලාන තරගාවලියේ අවසන් තරග කිහිපය ක්රීඩා කිරීමට හැකි වනු ඇති බවට එරට ක්රිකට් බලධාරීන් විශ්වාසය පල කරනවා.
තරගාවලියේ දී මේ දක්වා ලකුණු 196 ක් වාර්තා කිරීමට මැක්ස්වෙල් සමත්ව සිටින අතර, ඔහු දවා ගත් කඩුලු ගණන 4ක්.
ලෝක කුසලාන තරගාවලි ඉතිහාසයේ දී පිතිකරුවෙකු වාර්තා කළ වේගවත්ම ශතකය වාර්තා කිරීමට ද මැක්ස්වෙල් පසුගියදා සමත් වුණා.
ඔහු නෙදර්ලන්තයට එරෙහිව එම දක්ෂතාවය දක්වනු ලැබුවේ පන්දු 40 ක් පමණක් වැය කරමින්.
