ශ්රී ලංකා කණ්ඩායමේ එංගලන්ත තරග සංචාරය ඊයේ(4) නිමා වුණේ කිසිදු තරගයක් ජය ගැනීමට ශ්රී ලංකාවට අවස්ථාව අහිමි කරමින්.
සංචාරය පුරාවටම ශ්රී ලංකා පිතිකරුවන්ගේ දුර්වලතා කැපී පෙණුනු අතර, වඩාත් කනගාටුදායක තත්ත්වය වූයේ පිතිකරුවන් තමා අතින් සිදු වන වැරැදි හදුනා ගනිමින් ඒවා නිවැරැදි කර ගැනීමට කිසිදු උත්සහායක නිරත නොවීමයි.
එහි ප්රතිපලය ලෙස පිතිකරුවන් එකම ආකාරයට අවස්ථා ගණනාවකදී දැවී යන අයුරු දැක ගත හැකිවුණා.
ඒ, පුහුණුකරුවන්ගේ භූමිකාව සම්බන්ධයෙන් ද යළි යළිත් ප්රශ්නාර්ථයක් ඉතිරි කරමින්.
එවැනි පසුබිමක් යටතේ ශ්රී ලංකා කණ්ඩායමේ එංගලන්ත සංචාරය පරාජයන් 5ක් සහිතව අවසන් වුවත්, ශ්රී ලංකා නායක කුසල් ජනිත් පෙරේරා සදහන් කර සිටියේ ධනාත්මක පැති රැසක් ද තරග සංචාරයේ දී හදුනා ගත් බවයි.
කෙසේ වෙතත්, ක්රීඩකයින් අඛණ්ඩව දක්ෂතා දැක්වීම වැදගත් බවයි ඔහු කියා සිටියේ.
“මෙය ගොඩක් අමාරු සංචාරයක් වුණා අපිට. සමවර තැන්වල අපි හොදින් ක්රීඩා කළා. නමුත් එය ප්රමාණවත් වුණේ නැහැ.” යනුවෙන් කුසල් ජනිත් ඊයේ තරගයෙන් පසුව කියා සිටියා.
“අපේ පිතිකරණය සම්බන්ධයෙන් අපි අවධානය යොමු කළ යුතුයි. ක්රීඩකයින්ට සිද්ධ වෙනවා විශ්වාස කරන්න ඔවුන්ගේ හැකියාව. ගොඩක් ධනාත්මක දේවල් තියෙනවා අපිට. නමුත් අපි ස්ථාවර විය යුතුයි”
