මෙවර ලංකා ප්රිමියර් ලීග් ක්රිකට් තරගාවලියේ අවසන් පූර්ව වටයට පිවිසි ගෝල් ග්ලැඩියේටර්ස් කණ්ඩායමට එම කණ්ඩායමේ නිත්ය නායක ශහිඩ් අෆ්රිඩි පාකිස්තානයේ සිට සුබ පැතුම් එක් කර තිබෙනවා.
ඒ, සිය ට්විටර් ගිණුමේ සටහනක් තබමින්.
එහිදී ඔහු ගාලු කණ්ඩායමේ ආරම්භක පිතිකරු ධනුෂ්ක ගුණතිලකගේ දක්ෂතා ද ඇගයීමට ලක් කළා.
ගුණතිලකට ශ්රී ලංකාවේ මීළග සංගක්කාර (කුමාර්) විය හැකි බවයි ඔහු අදාළ ට්විටර් පණිවිඩයේ වැඩිදුරටත් සදහන් කර ඇත්තේ.
ධනුෂ්ක ගුණතිලක මේ වන විට මෙවර තරගාවලියේ වැඩිම ලකුණු ලාභියා ද වනවා.
ඔහු තරග 8කදී රැස් කර ගෙන ඇති ලකුණු සංඛ්යාව 462ක්.
ඉනිමක සාමාන්ය 77ක් තරම් ඉහළ අගයක් ගැනීම විශේෂත්වයක්.
ගාලු කණ්ඩායමේ නිත්ය නායක ශහිඩ් අෆ්රිඩි තරගාවලිය අතරමැද දී යළි පාකිස්තානය බලා පිටව ගියේ පෞද්ගලික හේතුවක් පදනම් කර ගනිමින්.
Brilliant performance by Gunathilaka 👏 Congratulations to my team Galle for reaching the semi-finals. Gunathilaka can be the next Sangakkara for SL, a great talent indeed.
— Shahid Afridi (@SAfridiOfficial) December 10, 2020
