බටහිර ඉන්දීය කොදෙව් සීමිත පන්දුවාර කණ්ඩායමේ සහාය පුහුණුකරුවන් ලෙස කොදෙව් හිටපු නායකයින් දෙදෙනෙකු වන කාර්ල් හූපර් හා ෆ්ලොයිඩ් රෙයිෆර් පත් කර තිබෙනවා.
එක්සත් අරාබි එමීර් රාජ්ය කණ්ඩායමට එරෙහිව ආරම්භ වීමට නියමිත තරග 3කින් යුත් එක්දින ක්රිකට් තරගාවලිය හා සිම්බාබ්වේ හී දී ආරම්භ වීමට නියමිත ලෝක කුසලාන ක්රිකට් තරගාවලියේ සුදුසුකම් ලබා ගැනීමේ තරගාවලිය අභියසදීයි මෙම පත් කිරීම් සිදු කර ඇත්තේ.
ඒ අනුව ඔවුන් දෙදෙනා සීමිත පන්දුවාර කණ්ඩායමේ නව පුහුණුකරු වන ඩැරන් සැමී සමග කටයුතු කිරීමට නියමිතයි.
නවසීලන්ත හිටපු තුන් ඉරියව් ක්රීඩක ජේම්ස් ෆ්රැන්ක්ලින් ද සහාය පුහුණුකරුවෙකු ලෙස පත් කිරීමටයි පියවර ගෙන ඇත්තේ.
මේ අතර, කොදෙව් හිටපු ක්රීඩකයින් වන Kenny Benjamin හා Stuart Williams මෙන්ම Rayon Griffith ටෙස්ට් කණ්ඩායමේ පුහුණුකරු වන Andre Coley සමග සහාය පුහුණුකරුවන් ලෙස කටයුතු කිරීමට ද නියමිතව තිබෙනවා.
මෙම සියලු පත් කිරීම් තාවකාලික පදනම මත සිදු කර ඇති අතර, එළඹෙන අගෝස්තු මාසයේ දී ඉන්දියාවට එරෙහිව පැවැත්වීමට නියමිත තරගාවලියෙන් පසුව ඔවුන්ගේ ධූරයන් පිළිබද යළි සලකා බලනු ඇති.
